آلمانیانین 12-جی پرزیدنت فرانک والتر اشتاین مایر اولدو
آلمانیادا بیرباشا خالقین اونویلا سئچیلمه‌ین پرزیدنتینی فدرال سئچیجی‌لر هیاتی تعیین ائتدی
آلمانیانین 12-جی پرزیدنت فرانک والتر اشتاین مایر اولدو.
آلمانیادا بیرباشا خالقین اونویلا سئچیلمه‌ین پرزیدنتینی فدرال سئچیجی‌لر هیاتی تعیین ائتدی.
سئچیمین ایلک توروندا 1253 نماینده‌نین 931 اویونو آلان و اکثریتی تامین ائدن اسکی خاریجی ایشلر ناظیری فرانک-والتر اشتاین مایر، آلمانیانین 12-جی پرزیدنتی اولا‌راق سئچیلدی.
اشتاین مایر، یوآحیم گاوک‌دان بوشالا‌جاق پرزیدنت‌لیک مقامینا 19 مارسدا اوتورا‌جاق و 5 ایل وظیفه یئرینه یئتیره‌جک.
61 یاشین‌داکی اشتاین مایر تجروبه‌لی بیر سیاستچی.
2005 - 2009 و 2013- 2017 ایللری آراسیندا خاریجی ایشلر ناظیرلیگی ائدن اشتاین مایر، تورکیه‌نی ده یاخشی تانیییر.
اشتاین مایر، تورکیه ایله آوروپا بیرلیگی آراسیندا عضولوک بیلگی مذاکیره‌لری‌نین باشلادیلماسی مدتینده رول اوینامیشدی.
اشتاین مایر پرزیدنت سئچیلدیک‌دن سونرا ائتدیگی دانیشماسیندا، اونو سئچن‌لره تشککور ائتدی.
دونیادا فیرتینا‌لی بیر دؤور یاشاندیغینی ایفاده ائدن اشتاین مایر، بو مدتده اجتماعی بیرلیگین اهمیت‌لی اولدوغونو ایفاده ائتدی.
اشتاین مایر، آوروپادا آزادلیغی و دموکراسینی قوروماق لازیم اولدوغونو وورغولادی.
فرانک والتر اشتاین مایر، آمریکا پرزیدنتی دونالد ترامپ اوچون 'نیفرت چیخاران آدام تعریفینی ایستیفاده ائتمیشدی.
آلمانیا باش ناظیری آنگلا مرکل، یئنی وظیفه‌سین‌دن اؤتورو اشتاین مایری تبریک ائتدی.
"اؤلکه‌میز اوچون موکمل بیر پرزیدنت اولاجاغین‌دان امینم" دئیه دانیشان مرکل، اشتاین مایرین، چتین دؤورلرده حل یولو چیخارا بیلن، ایستعدادلی بیر سیاستچی اولدوغونو قید ائتدی.
