مولوت چاووش اوغلو اوکراین‌دا
توپلانتی اوچون بو اؤلکه‌یه گئدن خاریجی ایشلر ناظیری مولوت چاووش اوغلو، ایلک گؤروشمه‌سینی پرزیدنت پترو پوروشنکو ایله ائتدی
تورکیه - اوکراین یوکسک سویه‌لی ایستراتژی شورانین آلت اورقانی اولان اورتاق ایستراتژی پلانلاشدیرما قروپونون 5-جی کونفرانسی باشکند کیئوده ائدیلیر.
توپلانتی اوچون بو اؤلکه‌یه گئدن خاریجی ایشلر ناظیری مولوت چاووش اوغلو، ایلک گؤروشمه‌سینی پرزیدنت پترو پوروشنکو ایله ائتدی.
مطبوعاتا باغلی رئال‌لاشان توپلانتیدا، ایکی اؤلکه علاقه‌لری و بؤلگه‌سل مسئله‌لر مذاکیره ائدیلیب.
چاووش اوغلو داها سونرا کریمه تاتار لیدرلریله، آحیسکا و گؤکوغوز تورک‌لری‌نین نماینده‌لرینی قبول ائتدی.
چاووش اوغلو، کریمه تاتار خالقی‌نین لیدری و اوکراین میللت وکیلی مصطفی عبدالجمیل کیریم اوغلو، کریمه تاتار میللی مجلیسی‌نین صدری رئفات چوباروو، دونیا آحیسکا تورک‌لری بیرلیگی اوکراین نماینده‌سی مارات رسولوو، اوکراین قاقاوزلار بیرلیگی درنکی باشقانی واسیلی کلوگ‌لو و اودئسا بؤلگه مجلیس صدری‌نین معاوینی یوری دیمچوگ‌لو ایله بیر آرایا گلدی.
مولوت چاووش اوغلو اوکراین‌لی همکاری پاولو کلیمکین اشباشقانلیغیندا رئال‌لاش‌دیریلا‌جاق اولان توپلانتییا قاتیلا‌جاق.
توپلانتیدا دیپلوماتیک گؤروشمه‌لرین باشلاماسی‌نین 25ینجی-جی ایلده اوکراین ایله ایکیطرف‌لی علاقه‌لر بوتون اؤلچولریله نظردن کئچیریله‌جک و یئنی امکداش‌لیق ایمکان‌لاری آراش‌دیریلا‌جاق.
چاووش اوغلو ایله اوکراین خاریجی ایشلر ناظیری پاولو کلیمکین داها سونرا، فتح الله‌چی ترور تشکیلاتی‌نین (فتو) کودتا گیریشیمی زامانی آنادولو آژانسی (آا) موخبیرلری‌نین چکدیگی فوتوشکیل‌لردن عبارت "15 ژوئیه‌ده تورکیه‌ده نه اولدو؟" باش‌لیق‌لی سرگی‌نین آچیلیشینی دا ائده‌جک.
