فرانسادا فوق ا‌لعاده حال چرچیوه‌سینده بیر مسجید داها عبادته باغلانیلدی
پاریس‌ین 6 بؤلگه‌سینده 13 نوامبر 2015-جی ایلده تشکیل ائدیلن و 130 نفرین اؤلومونه یول آچان ترور سالدیری‌لارین آردین‌دان اؤلکه‌ده فوق ا‌لعاده حال اعلان ائدیلمیشدی
فرانسا ایچ ایشلر ناظیرلیگی، فوق ا‌لعاده حال چرچیوه‌سینده بیر مسجیدین داها عبادته باغلانیلدیغینی بیلدیریب.
باخانلیقدان ائدیلن آچیقلاماد، "دارالسلام آدلی مسجید، فوق ا‌لعاده حال تطبیقی چرچیوه‌سینده، ایمامی رادیکال ایدئولوژی و آیریمچی‌لیغی تشویق ائتدیگی سببیله باغلانیلدی." ایفاده‌سینه یئر وئریلدی.
آچیقلامادا، مسجیدین ایمامی‌نین بؤلگه‌دکی جماعته یؤنلیک، اجتماعی باسقی میدانا گتیره‌جک ایفاده‌لری‌نین باغلانما قراریندا تأثیرلی اولدوغو بیلدیریلدی.
فرانسادا فوق ا‌لعاده حال تطبیقی‌نین اعلانین‌دان بو یانا تخمینن 20 جامع و مسجید باغلاندی.
پاریس‌ین 6 بؤلگه‌سینده 13 نوامبر 2015-جی ایلده تشکیل ائدیلن و 130 نفرین اؤلومونه یول آچان ترور سالدیری‌لارین آردین‌دان اؤلکه‌ده فوق ا‌لعاده حال اعلان ائدیلمیشدی.
قالدیریلماسی دوشونولن فوق ا‌لعاده حال، نیس‌ده کئچن ایل 17 ژوئیه‌ده تشکیل ائدیلن و 84 نفرین اؤلومونه یول آچان ترور سالدیری‌نین آردین‌دان تکرار اوزادیلمیشدی.
