آمریکا: قوزئی کوره تهدیدینه یؤنلیک لازیملی بوتون تدبیرلر آلینمالی
آغ ائودن ائدیلن یازیلی آچیقلامادا، گونئی کوره لیدرینین، وظیفهیه باشلاماسی سببیندن ترامپین تبریک ائتمک اوچون آختاردیغی ایفاده ائدیلدی. آچیقلامادا، ایکیلی آراسینداکی گؤروشمهده آمریکا-گونئی کوره علاقهلرینین ساغلاملیغینا وورغو ائدیلدیگی قید ائدیلدی
![آمریکا: قوزئی کوره تهدیدینه یؤنلیک لازیملی بوتون تدبیرلر آلینمالی](http://cdn.trt.net.tr/images/xlarge/rectangle/ba2b/ddf8/d6ac/5abb3de389897.jpg?time=1718854928)
آمریکا پرزیدنتی دونالد ترامپ ایله گونئی کوره دولت باشقانلیغینا وکالت ائدن هوانگ کیو-آهن آراسینداکی تلفون گؤروشمهسینده، "قوزئی کوره تهدیدینه یؤنلیک لازیملی بوتون تدبیرلرین آلینماسینا" وورغو ائدیلدی.
آغ ائودن ائدیلن یازیلی آچیقلامادا، گونئی کوره لیدرینین، وظیفهیه باشلاماسی سببیندن ترامپین تبریک ائتمک اوچون آختاردیغی ایفاده ائدیلدی. آچیقلامادا، ایکیلی آراسینداکی گؤروشمهده آمریکا-گونئی کوره علاقهلرینین ساغلاملیغینا وورغو ائدیلدیگی قید ائدیلدی.
گؤروشمهده ترامپین، گونئی کورهنین امنیتی اوچون نیظامی ایمکانلارین هامیسی دا اولماقلا لازیملی تدبیرلرین آلیناجاغی موضوعسوندا کیو-آهنا ضمانت وئردیگی ایفاده ائدیلدی.
آچیقلامادا، "ایکی لیدر قوزئی کوره تهدیدینه قارشی اورتاق ساوونما ایمکانلارینین گوجلندیریلمهسی اوچون لازیمی آددیملاری آتما موضوعسوندا راضی قالدی." ایفادهسینه یئر وئریلدی.
آیریجا ساوونما ناظیری جیمر متیسین اؤنوموزدکی گونلرده گونئی کورهیه ائدجگی سفرین، ایکی اؤلکه آراسینداکی علاقهلرین دیرینه وئریلن اهمیتین بیر گؤستریجیسی اولدوغو وورغولاندی.
ساوونما ناظرلیگی (پنتاقون) سؤزچوسو جف دیویس، متیسین ایلک خاریجی سفرینی گونئی کوره ایله ژاپونیایا ائدجگینی آچیقلامیشدی.