قوزئی کره‌دن ترامپا مئساژ وار
قوزئی کره، ترامپین وظیفه‌یه باشلایاجاغی گونده 2 قاره‌لرآراسی بالیستیک موشک سینایاجاق
دونیا گؤزونو آمریکانین یئنی باشقانی دونالد ترامپین باشقان‌لیق آندینی ایچه‌رک وظیفه‌سینه باشلایاجاغی واشینگتونا چئویرمیشکن، قوزئی کره‌دن سورپریز بیر خبر گلدی.
گونئی کره خبر آژانسی یونهاپ‌ین خبرینه گؤره قوزئی کره، ترامپین وظیفه‌یه باشلایاجاغی گونده (بو گون) 2 قاره‌لرآراسی بالیستیک موشک سینایاجاق.
داها اؤنجه یئنی ایل گئجه‌سی قاره‌لرآراسی بالیستیک موشک سیناغی ائدن قوزئی کره‌نین الین‌دکی موشک‌لرین منزیلی‌نین آمریکانین باتی ساحل‌لرینه قدر چاتدیغی ایفاده ائدیلمیشدی.
یئنی ایل گئجه‌سی ائدیلن سیناق سونراسیندا قونویلا ایلگیلی تویتر حسابین‌دان آچیقلاما وئرن دونالد ترامپ؛
"قوزئی کره، آمریکا تورپاق‌لاری‌نین بیر بؤلومونه چاتابیله‌جک نوکلئر سلاح‌لار اوچون سون مرحله‌ده اولدوغونو آچیقلامیش. بو گرچکلشمه‌یه‌جک!" دئیه یازمیشدی.
گونئی کره‌لی بیر باخانلیق یئتکی‌لی‌سی ده،
"قوزئی کره، آمریکایا مئساژ گؤندریر. قوزئی کره‌یه قارشی سیاست‌لرینی دییشدیرمه‌لری اوچون اونلار اوزرینده باسقی قورور" دئمیشدی.
