دونالد ترامپ: آمریکانین تل آویو-دکی سفیرلیگینی قودسه داشیما وعدینی اونوتمادیم
آچیقلامادا،"طبیعی کی قودس ایله باغلی سؤزومو چوخ یاخشی خاطیرلاییرام. طبیعی کی اونوتمادیم و بیلیرسینیز کی من وئردیگیم سؤزلردن ایمتیناع ائتمهین بیر شخصیتیم." ایفادهلرینی ایستیفاده ائتدی
آمریکا پرزیدنتی سئچیلن دونالد ترامپ، آمریکانین تل آویو-دکی سفیرلیگینی قودسه داشیما وعدینی اونوتمادیغینی ایفاده ائتدی.
ترامپ، ایسرائیل باش ناظیری بنیامین نتانیاهویا یاخینلیغییلا بیلینن ایسرائیل هایوم قزئتینه، آمریکا سفیرلیگینین قودسه داشینماسییلا باغلی ائتدیگی آچیقلامادا،
"طبیعی کی قودس ایله باغلی سؤزومو چوخ یاخشی خاطیرلاییرام. طبیعی کی اونوتمادیم و بیلیرسینیز کی من وئردیگیم سؤزلردن ایمتیناع ائتمهین بیر شخصیتیم." ایفادهلرینی ایستیفاده ائتدی.
ترامپ، آچیقلاماسیندا، ایسرائیل ایله ایشه باشلاماق اوچون صبیرسیزلندیغینی ده سؤیلهدی.
آمریکا رهبرلیگینین، 1995-جی ایلدکی قودس سفیرلیک قانونونا گؤره ایسرائیلین باشکندی تل آویودکی سفیرلیگینی قودسه داشیماسی نظرده توتولور.
آنجاق سؤز موضوعسو قانون 21 ایلدیر کی، بیل کلینتون، جورج بوش و باراک اوبامانین باشقانلیغی دؤورلرینده هر 6 آیدا بیر میلی امنیت سببیله ائرتهنیردی.
آمریکا باشقانی سئچیلن دونالد ترامپ دا سئچیم پروسهسینده، آمریکانین تل آویو سفیرلیگینی قودسه داشیما سؤزو وئرمیشدی.
فیلیسطینلیلر، قودسو ایسرائیلین باشکندی اولاراق تانینماسی آنلامینا گلهجک بو آدیما شیدتله قارشی چیخاراق اعتراض گؤستریر.