روسیا: الیمیزده دونالد ترامپین نفوذونا ضرر وئره‌جک بیلگیلر یوخ
آمریکالی کشفیاتچی‌لار، ترامپین سئچیم‌لردکی رقیبی کلینتونون پارتیسی و کامپانیا قروپونا یؤنلیک سایبر سالدیریلارین آرخاسیندا روسیانین اولدوغونو ادعا ائدیر
روسیا دولت باشقانی سؤزچوسو دمیتری پسکوو، اللرینده، آمریکا سئچیلمیش باشقانی دونالد ترامپین نفوذونا ضرر وئره‌جک بیلگیلر بولوندورمادیق‌لارینی ایفاده ائتدی.
آمریکالی کشفیاتچی‌لار، ترامپین سئچیم‌لردکی رقیبی کلینتونون پارتیسی و کامپانیا قروپونا یؤنلیک سایبر سالدیریلارین آرخاسیندا روسیانین اولدوغونو ادعا ائدیر.
اسپیکر پسکوو، تشکیل ائتدیگی مطبوعات کونفرانسیندا، روسیانین، آمریکانین سئچیلمیش پرزیدنتی دونالد ترامپ و یا سئچیم‌لردکی دموکرات رقیبی هیلاری کلینتون حاقیندا اعتیبارلارینا ضرر وئره بیله‌جک معلومات‌لار اصلا توپلامادیغینی وورغولادی.
دمیتری پسکوو، روس کشفیاتچی‌لارین ترامپین علیهینه ایستیفاده ائدیله‌بیله‌جک معلومات‌لار توپلادیغیم ادعا ائدیلدیگی دوسیا‌لارا یئر وئرن خبرلری ایسه ساختا اولا‌راق کاراکتریزه ائتدی.
پسکوو،
"بو، ایکیطرف‌لی علاقه‌لره ضرر وئرمه‌یه یؤنوندکی بیر تلاش و جادوگر اووو داوامی" ایفاده‌لرینی ایستیفاده ائتدی.
آمریکا باشقان‌لیغی وظیفه‌سینی 20 ژاویه‌ده تحویل آلا‌جاق اولان دونالد ترامپ، داها اوّل اجتماعی پایلاشما سایتین‌دان ائتدیگی آچیقلاما ایله، الینده اؤزونون نفوذونا ضرر وئره بیله‌جک معلومات‌لار ساخلادیغی ادعا ائدیلن روس کشفیاتییلا اولان علاقه‌لرینه دایر خبرلری یالانلامیشدی.
ترامپ، روس کشفیاتییلا آراسیندا اولدوغو ادعا ائدیلن ایلیشکیلرله باغلی خبرلری 'جادوگر اووو "اولا‌راق کاراکتریزه ائده‌رک، اؤزونه عایید اجتماعی مئدیا حسابین‌دان ائتدیگی آچیقامادا،
"ساختا خبرلر. تام بیر سیاسی جادوگر اووو!" ایفاده‌لرینی ایستیفاده ائتمیشدی.
کرملین سؤزچوسو دمیتری پسکوو، داها اوّل ائتدیگی آچیقلامادا دا، راپور توپلوم ایله پایلاشیلان متنین‌دکی دلیل یئترسیزلیگینه وورغو ائدیب، آمریکالی کشفیات سرویس‌لرینی 'اماتورجا و رومانتیک داورانماقلا اتهام ائتمیشدی.
