پنتاگون:" کوالیسیون اینجرلیک مرکزینین دگرینی بیلیر"
آچیقلاما آمریکانین ساوونما ناظیرلیگی پنتاگون-دان گلدی.
پنتاگون سؤزچوسو پیتر کوک اؤلکهسینین و اونون رهبرلیگیندهکی داعش-ه قارشی موباریزه آپاران کوالیسیونون تورکیهنین آدانا شهرینده کی اینجیرلیک مرکزیندن ایستیفاده ائتدیگینه گؤره میننتدار اولدوغونو و بونون داوام ائتمهسینه اومیدینی دیله گتیردی.
کوک خاریجی ایشلر ناظیری مولود چاووش اوغلو و ساوونما ناظیری فیکری ایشیق-ین" آمریکا-نین اینجیرلیک مرکزیندن ایستیفاده ائدیب تورکیهنین الباب عملیاتلارینا دستک وئرمهمهسینین دوشوندوروجو اولدوغو" بارهدکی سؤزلرینین خاطیرلادیلماسی قارشیسیندا دئدی کی، اینجیرلیک مرکزینین نه قدر اؤنملی اولدوغونو و کوالیسیونون بوندان میننتدارلیق دویدوغونو دونن آلبای دورریندان ائشیتدینیز. تورکییه ایله گؤروشلریمیز داوام ائدیر.
پیتر کوک اونو دا علاوه ائتدی کی، تورک مسئول لارلا خصوصی دانیشیقلاریمیز داوام ائدیر. بونونلا باغلی دئتاللار وئرمک دوزگون دئییلدیر. اینجیرلیک مرکزیندن عملیاتلار حیاتا کئچیریلیر و بونلارین داوام ائتدیریلمهسینی ایستییریک.