پنتاگون: تورک گوجلرینین البابداکی اهمیتلی فداکارلیقلارینی گؤردوک
کئچن هفته کوالیسیون اوچاقلاری، تورکیهنین طلبی اوزرینه، الباب بؤلگهسینده تشکیلاتین یوغون آتشی آلتیندا قالان تورک امنیتی گوجلرینه دستک هدفلی اوچوشلار ائتدی
آمریکا ساوونما ناظیرلیگی (پنتاگون) سؤزچوسو پیتر کوک، تورکیهنین سوریهدکی نیظامی آنگاژمانلاری و تورک گوجلرینین البابداکی اهمیتلی فداکارلیقلارینی گؤردوکلرینی ایفاده ائدهرک،
"داعشه باسقی تطبیق ائتمک اوچون اورادا ائتدیکلری هر شئیی دستکلییریک." دئدی.
کوک، گوندهلیک مطبوعات بریفینگینده ژورنالیستلرین تورکیهنین داعشه قارشی سوریهنین الباب شهرینده رئاللاشدیردیغی عملیاتلارا یؤنلیک سواللاری جوابلادی.
تورکیهنین سوریهده داعش ایله موباریزهده گؤستردیگی فداکارلیغی تعریفلهین کوک، کئچن هفته کوالیسیون اوچاقلارینین، تورکیهنین طلبی اوزرینه، الباب بؤلگهسینده تشکیلاتین یوغون آتشی آلتیندا قالان تورک امنیتی گوجلرینه دستک هدفلی اوچوشلار ائتدیگینی سؤیلهدی.
اوچاقلارین مهمات قویمادیغینی و بونون سببی ایله باغلی اولاراق الینده عملیات آیرینتیلارینین اولمادیغینی ایفاده ائدن کوک، الباب عملیاتینا دستک موضوعسونون تورک-آمریکان مسئوللارینجا گؤروشولمگه داوام ائدیلدیگینی قید ائتدی.
کوک، تورک حکومتی ایله ساحهدکی نیظامی ایرتیباط و چوخ یوکسک سویهلرده ائتدیکلری کوردیناسیونو داوام ائتدیرهجکلرینی بیلدیریب.
بونون یانیندا تورکیهنین الباب بؤلگهسینده روسیا ایله داعشه قارشی امکداشلیق ائتدیگیندن خبری اولمادیغینی ساوونان پیتر کوک، بو موضوعنون تورک و روس مسئوللارا سوروشولماسینی ایستهدی.
پنتاگون سؤزچوسو، همچینین، یئنی ایل قوتلامالاری اثناسیندا 39 نفرین اؤلومونه سبب اولان ایستانبولداکی ترور سالدیرینی قینادی و باش ساغلیغی دیلهدی.
کوک،
"داعشین، عراق و سوریهده ساحهده ایتیردیکچه وطنداشلارا یؤنلیک یوکسک پروفیللی سالدیریلار رئاللاشدیرماغا چالیشاجاغینی بیلیردیک. بو سالدیریلار بیزی چابالاریمیزدان ال چکدیرمهیهجکدیر و تلاشلاریمیز میوه وئرمهیه باشلادی." دئدی.