کؤرفز اؤلکه‌لری آمریکادان سیلاح آلیر

کؤرفز اؤلکه‌لری، ساوونما گوجلن‌دیرمک آدینا آمریکادان سیلاح آلیر.

آمریکا خاریجی ایشلر ناظیرلیگی کویت، قطر، سعودی عربیستانی و بیرلشمیش عرب امیرلیک‌لرینده سون ایکی آیدا 40،8 میلیارد دو‌لارلیق سیلاح ساتیشینی تصدیقله‌دی.

نوامبر آییندا 10 میلیارد 100 میلیون دو‌لار دگرینده "بوئینگ اف / آ-18 سوپر هورنت" تیپ‌لی 28 اوچاق آلیش طلبین‌دن سونرا کویت دسامبر آییندا دا 1،7 میلیارد دو‌لار دگرینده 218 م1ا2 آبرامس تانکینی باغلی تجهیزاتلا ساتین آلما طلبی، آمریکا خاریجی ایشلر ناظیرلیگی طرفین‌دن قبول اولونوب.

کویت، دسامبر آییندا آیریجا، 37 میلیون دو‌لار دگرینده بیرلشمیش بیرباشا مهمات قویروق تیمی آدی وئریلن "کور بومبا‌لارا" کونترول تامین ائدن جیهازلاردان 1250 عدد ساتین آلدی.

سعودی عربیستانی و بیرلشمیش عرب امیرلیک‌لری ده تخمینن دگرلرده نقلیات و هوجوم هلیکوپتر آلیب.

سعودی عربیستانی‌نین 3 میلیارد 500 میلیون دو‌لار دگرینده 48 CH-47F Chinook نقلیات هلی کوپتری طلبی خاریجی ایشلر ناظیرلیگی طرفین‌دن 7 دسامبردا قبول اولونوب.

خاریجی ایشلر ناظیرلیگی عینی تاریخده بیرلشمیش عرب امیرلیک‌لرینده ده 3 میلیارد 510 میلیون دگرینده 28 Apache AH-64 تیپ‌لی هوجوم هلیکوپترین ساتیشینا تصدیق وئردی.

آمریکا، بو اؤلکه‌لره ایلین گئری قالانیندا ایسه 2 میلیارد دو‌لار جیواریندا نیظامی وسایل و سیلاح ساتدی.

خاریجی ایشلر ناظیرلیگی‌نین تصدیقلدیگی بوتون سیلاح ساتیش‌لاری کونگره طرفین‌دن آراشدیریلیب تصدیق ائدیلدیک‌دن سونرا رئاللاشیر.