دونیا لیدئرلرینی ایستانبول-دا توره دیلن ترورو لعنت‌له‌دیلر
یاییم‌لانان باش ساغلیغی مئساژلاریندا تورکیه ایله دایانیشما ایچینده اولوندوغونا و اولوسلار آراسی ترورلا موباریزه‌نین اهمیت‌ینه دقت چکیلدی.
39 نفرین حیاتینی ایتیردیگی 4-و آغیر اولماقلا 65 نفرین یارالاندیغی ترور حادثه‌سی دونیانین دؤرد بیر گوشه‌سیندن رئاکسیا گؤستریلدی.
یاییم‌لانان باش ساغلیغی مئساژلاریندا تورکیه ایله دایانیشما ایچینده اولوندوغونا و اولوسلار آراسی ترورلا موباریزه‌نین اهمیت‌ینه دقت چکیلدی.
آمریکا پرزیدنتی باراک اوباما ایستانبولدا تؤردیلن هوجومو لعنتله‌یه‌ره ک اولنلرین عائله لرینه باش ساغلیغی وئردی. اوباما احتیاج اولاجاغی تقدیرده تورک مسئول‌لارا لازیم‌لی دستک‌ین وئریلمه‌سی باره‌ده اؤلکه‌سینده مسئول لارا تعلیمات وئردی.
آغ ائو میللی گوونلیک شوراسی‌نین سؤزچوسو ند پرایسده وئردیگی آچیقلامادا : "آمریکا ایستانبولدا حیاتا کئچیریلن ترور هوجومونو ان سرت شکیلده پیسله‌یر" دئدی. ند پرایس تورکیه ایله هر نوع ترورا قارشی موباریزده قرارلی اولدوق‌لارینی وورغولادی.
روسیا پرزیدنتی ولادیمیر پوتین ده ایستانبولدا تؤردیلن هوجومو لعنتله‌یه ره ک اولنلرین عائله لرینه باش ساغلیغی وئردی.
پوتین آچیقلاماسیندا بیلدیردی کی، یئنی ایلی قئید ائتمک مقصدی ایله بیر آرایا گلمیش گوناه‌سیز اینسان‌لارین اؤلدورولمه‌سیندن داها خاین بیر هوجومو خیال ائتمک چوخ چتین‌دیر. لاکین اینسانی و اخلاقی دیرلر تروریستلر ایله بیگانه مفهوم‌دور. اورتاق وظیفه‌میز ترور هوجوم‌لارینا قارشی قطعیتلی شکیلده جاواب وئرمک‌دیر.
پوتین همچنین روسیانین ترورلا موباریزه‌ده تورکیه‌نین اعتماد ائدیلن طرفداشی اولماقدا داوام ائدجگینی ده وورغولادی.
آذربایجان پرزیدنتی ایلهام علی یف ایستانبولدا تؤره‌دیلن ترور حادثه‌سی ایله باغلی جمهور باشقانی رجب طیب اردوغانا باش ساغلیغی وئردی.
آذربایجان پرزیدنتی ایلهام علی یف بیلدیردی کی، ایستانبول-دا گئجه کلوبوندا بایرام شن‌لیگینه توپلاشمیش اینسان‌لارا قارشی قددارجاسینا سیلاحلی هوجوم تؤردیلمه‌سی، چوخ سایدا اینسانین اولمه سی و یارالانماسی خبری بیزی اولدوقجا سارسیدیب.
پرزیدنت ایلهام علی یف وورغولادی کی، بیز سیویل لره قارشی بو خائین عمل‌دن حدسیز درجه‌ده حدت‌لنیر، تروریزمه قارشی ان سرت شکیلده، قطعیت ایله و آردیجیل موباریزنی دستک لییریک: "باش وئرمیش فاجعه ایله علاقه‌دار کدرینیزی بؤلوشور، سیزه، اولنلرین عائله‌لرینه و یاخین‌لارینا، قارداش تورکیه خالقینا اؤز آدیم‌دان و آذربایجان خالقی آدین‌دان باش ساغلیغی وئریر، یارا‌لانان‌لارا و خسارت آلان‌لارا شفا دیلییرم. الله رحمت ائله‌سین!".
قوزیی قیبرس تورک جمهوریتی پرزیدنتی مصطفی آکینجی دا باش ساغلیغی وئره‌رک خاین ترورو پیسله‌دی.
او بیلدیردی کی، گئجه کلوبوندا گوناه‌سیز اینسان‌لارا ائدیلن وحشی هوجومو پیسلییریک. حیاتینی ایتیرن‌لرین یاخین‌لاری‌نین کدرلرینی بؤلوشور، تورکیه‌یه باش ساغلیغی دیلییریک.
روسیانین باش ناظیری دیمیتری مدودیف ده باش ناظیر بینالی ییلدیریما زنگ ائده‌رک باش ساغلیغی و دایانیشما مئساژی وئردی.
مدودیف و ییلدیریم اولوسلار آراسی تروریزم تهدیدلریله بیرگه موباریزه‌نین اهمیتینی وورغولادیلار.
تلفون دانیشیغی زامانی همچنین ایکی طرف‌لی علاقه‌لر ده موذاکیره اولوندو.
فرانسا پرزیدنتی فرانسوا اولاند، آلمانیا باش ناظیری آنگلا مرکل ده یاییملادیق‌لاری یازی‌لی آچیقلامادا ایستانبولدا تؤره‌دیلن ترور هوجومونو لعنتله‌یه‌ره ک باش ساغلیغی وئردیلر.
فیلیسطین دؤولت باشقانی محمود عباس دا جمهور باشقانی اردوغانا باش ساغلیغی وئره‌رک، ترور حادثه‌سینی پیسله‌دی ایسرائیل پرزیدنتی روون ریولین رسمی تویترحسابیندا تورکجه و اینگیلیسجه سؤزلرله ترور هوجومونو پیسله‌دی.
ناتو-نون باش کاتیبی ینس استولتنبرگ ایسه سوسیال مئدیا حسابیندان وئردیگی آچیقلامادا ایستانبولدا تؤردیلن خاین هوجومو پیسله‌دی.
آوروپا بیرلیگی‌نین خاریجی علاقه‌لر و گوونلیک سیاستی عذره آلی نماینده‌سی فدریکو موگرینی وئردیگی آچیقلامادا تؤردیلن هوجومو قینادی و بو جور حادثه لرین قارشی‌سینی آلماق اوچون چالیشماغا داوام ائدجکلرینی دئدی.
آوروپا بیرلیگی‌نین باشقا مسئول نماینده لریندن دیمیتریس آوراموپولوس، مارتین شولتز، کاتی پیری ده باش ساغلیغی دیلک‌لرینی یاییملایا‌راق، تورکیه‌نین کدرینی بؤلوشدوک‌لرینی بیلدیردیلر.
کانادانین خاریجی ایشلر ناظری استفان دیون دا: "کانادا ایستانبولدا حیاتا کئچیریلن هوجومدا حیاتینی ایتیرن لرین عائله‌لرینه باش ساغلیغی و یارا‌لانان‌لارا عاجیل شفا‌لار دیلییر" دئدی.
اینگیلترنین خاریجی ایشلر ناظیری بوریس جانسون دا ایستانبولدا توره دیلن ترورلا باغلی بیانات وئردی.
بوریس جانسون اؤزونون تویتر حسابیندان وئردیگی آچیقلامادا بیلدیردی کی: "ایستانبولدا تؤردیلن هوجومو پیسلییرم. اینگیلتره ترورلا موباریزده تورکیه‌نین یانیندادیر".
اطریش، بلژیک، فرانسا، مکزیک خاریجی ایشلر ناظیرلری ده آچیقلاما‌لاریندا حادثه‌ده حیاتینی ایتیرن‌لرین یاخین‌لارینا باش ساغلیغی وئره‌رک، ترورلا موباریزه‌ده تروکیه‌نین یانیندا اولدوق‌لارینی بیلدیردیلر.
