آوروپا داعش تهدیدی آلتیندا
تشکیلاتین عرب دیلینده یایدیغی مئساژدا تروریستلردن کانادا، آمریکا، فرانسا و هلنده قانلی آکسیا‌لار کئچیرمه‌لری طلب اولونور.
ترور تشکیلاتی داعش عضو‌لرینی آوروپادا یئنی ایل شنلیک‌لرینی قانا بولاماغا چاغیردی.
تشکیلاتین عرب دیلینده یایدیغی مئساژدا تروریستلردن کانادا، آمریکا، فرانسا و هلنده قانلی آکسیا‌لار کئچیرمه‌لری طلب اولونور.
داعش-ین هدفی بؤیوک هتل لر، آلیش-وئریش مرکزلری، کلوب‌لار کیمی سیویل لرین چوخ اولدوغو یئرلردیر.
آوروپا اؤلکه‌لری ده تهلوکه‌نی درک ائدیرلر.
فرانسا پرزیدنتی فرانسوا اولاند اؤلکه‌سی‌نین شدتلی ترور تهدیدی آلتیندا اولدوغونو دئدی.
آلمانیانین پایتاختی برلین-ده نوئل بازاریندا تؤره‌دیلن ترور حادثه سیندن سونرا دانیشان اولاند:"یوکسک درجه‌ده تهدید آلتینداییق و بونا قارشی تدبیرلریمیز جدی شکیلده آرتیب" دئدی.
آلمانیادا بازار ائرته‌سی گونو آخشام ساعت‌لاریندا 12 نفرین اولدوگو سالدیریدان سونرا اؤلکه داخیلینده گوونلیک تدبیرلری گوجلندیریلدی.
آوروپا بیرلیگی پولیس تشکیلاتی – یوروپل آیین اولینده کی راپوروندا ترور تشکیلاتی داعش باره‌سینده خبردارلیق ائدیر.
داعش-ین 2015 و2016-جی ایللرده فرانسا و بلژیک-ده حیاتا کئچیردیگی ترور سالدیریلارینین خاطیرلادیلدیغی راپوردا ترور تشکیلاتی‌نین آورپا بیرلیگی اراضی‌سینده یئنیدن ترور تؤرتمه پتانسیلی و نیتینن اولماسی قئید اولونور.
جمهور باشقانی رجب طیب اردوغان مارت آییندا غربه مراجعت ائده‌رک: "تروریست‌ین یاخشی‌سی- پیسی اولمور. ترور تشکیلات‌لاری آراسیندا فرق قویولا‌راق بیر یئرلرله حسابلاشماغا چالیشیرلارسا، بیر گون گله جک سیزین ده قارشینیزا چیخاجاق " دئمیشدی.
