روسیا ایله آمریکا آراسینداکی ایرتیباط کاناللاری قونوسوندا ضید آچیقلامالار
کربی، ایکی اؤلکه خاریجی ایشلر ناظیرلرینین سون اولاراق چرشنبه آخشامی گونو تلفوندا گؤروشدوکلرینی ده خاطیرلاددی
روسیا دولت باشقانلیغی سارایی کرملین سؤزجوسو دمیتری پسکوو، آمریکا ایله ایرتیباط کاناللارینین آز قالا تامامیله حقیقتن دوندوغونو بیلدیریلدی.
بیر تلویزیون کانالینا آچیقلاما وئرن پسکوو،
"آرتیق بیر-بیریمیزله ایرتیباط قوروروق. یا دا مینیموم سویهده قوروروق" ایفادهسینی ایستیفاده ائتدی.
آمریکا خاریجی ایشلر ناظیرلیگی سؤزجو جان کربی ایسه تام عکسینی ساووندو.
کربی:
"روسیا ایله بیر چوخ موضوعدا تماس حالینداییق" دئدی.
روسیا ایله بعضی موضوعلاردا اهمیتلی گؤروش آیریلیقلاری ایچینده اولدوقلارینی ایفاده ائدن کربی:
"آنجاق آرامیزداکی دیالوقدا بیر قوپما یوخ" دئیه دانیشدی.
کربی، ایکی اؤلکه خاریجی ایشلر ناظیرلرینین سون اولاراق چرشنبه آخشامی گونو تلفوندا گؤروشدوکلرینی ده خاطیرلاددی.
اوباما رهبرلیگی چرشنبه آخشامی گونو کریمه موضوعسوندا روسیایا تطبیق ائتدیگی تحریملری گئنیشلتمیشدی. آغ ائو، روسیانی آمریکاداکی سئچیملره مداخیله ائتمکله ده گوناهلاندیرمیشدی.