بیرلشمیش میللترتشکیلاتی حلب-ه 20 پرسنل گوندریر
بیرلشمیش میللتلر تشکیلاتی حلب-ین شرقینه سیویل لرین تخلیهسی و گوونلیگین یوخلانماسی اوچون 20 پرسنل گؤندره جگینی بیلدیردی.
![بیرلشمیش میللترتشکیلاتی حلب-ه 20 پرسنل گوندریر](http://cdn.trt.net.tr/images/xlarge/rectangle/077a/f56f/8c70/585a03a1011d8.jpg?time=1718614579)
بیرلشمیش میللتلر تشکیلاتی حلب-ین شرقینه سیویل لرین تخلیهسی و گوونلیگین یوخلانماسی اوچون 20 پرسنل گؤندره جگینی بیلدیردی.
بیرلشمیش میللتر تشکیلاتی باش کاتیبینین سؤزچوسو استفان دوجاریک گوندهلیک مطبوعات کونفرانسیندا شرقی حلب-ده سوریه عرب قیزیل آی جمعیتی و اولوسلار آراسی قیزیل خاچ کومیتهسی طرفیندن حیاتا کئچیریلن تخلیهلرین داوام ائتدیگینی و بیرلشمیش میللتر تشکیلاتینین ایسه تخلیهلره نظارت ائتمک اوچون رئژیمین نظارتینده اولان راموسه نظارت منطقهسینده اولدوغونو سؤیلهدی.
دسامبرین 15-دن اعتباراً حلب-ین شرقیندن 25 مین اینسانین تخلیه ائدیلدیگینین تخمین اولوندوغونو قئید ائدن دوجاریک شهردن چیخاریلان اهالینین آتاریب و سارمادایا گؤندریلدیگینی بیلدیردی.
بیرلشمیش میللتر تشکیلاتی نین حلب-ده رئژیمین نظارتینده اولان بؤلگهلرده چوخو سوریهلی اولماقلا، 100-دن چوخ امکداشینین اولدوغونو سؤیلهین دوجاریک حلب-ین شرقینه وطنداشلارین تخلیهسی و گوونلیگینین یوخلانماسی اوچون 20 نفر اولوسلار آراسی و یئرلی امکداشیندا گؤندریلهجگینی دئدی.
دوجاریک دونن سحر فوا و کفرایادان تخلیهلر اوچون 20 اتوبوسون یولا چیخدیغینی دا نظره چاتدیردی.
دوجاریک "حلب-ده تخلیهنی گؤزلهین نه قدر اینسان قالیب"؟ سوالینا ایسه: "فرقلی رقملر ائشیدیریک. هله ده مینلرین اولدوغو احتیمال ائدیلیر. لاکین بیزی اساس ناراحات ائدن مسئله محاصره آلتیندا اولان اینسانلارا اوزون مدت یاردیم چاتدیریلماماسیدیر. تئزلیکله بو یاردیملارین چاتدیریلماسینا اومید ائدیریک" جاوابینی وئردی.