آنگلا مرکل: حلبدکی وضعیت، بیرلشمیش میللتلر تشکیلاتینین امنیت شوراسینین باشاریسیزلیگیدیر
مرکل، بلژیکین باشکندی بوکسلده کئچیریلن آوروپا بیرلیگی لیدرلر ایجلاسینین آردیندان آچیقلاما وئردی
![آنگلا مرکل: حلبدکی وضعیت، بیرلشمیش میللتلر تشکیلاتینین امنیت شوراسینین باشاریسیزلیگیدیر](http://cdn.trt.net.tr/images/xlarge/rectangle/dfe8/30dd/ae22/5831a3e62fe25.jpg?time=1719185730)
تورکیهنین تروریزمدن و سوریهدکی گلیشمهلاردن تاثیرلندیگینی ایفاده ائدن آلمانیا باش ناظیری آنگلا مرکلدن بیر ده اعتراف گلدی:
"حلبدکی وضعیت، بیرلشمیش میللتلر تشکیلاتینین امنیت شوراسینین باشاریسیزلیگیدیر".
مرکل، بلژیکین باشکندی بوکسلده کئچیریلن آوروپا بیرلیگی لیدرلر ایجلاسینین آردیندان آچیقلاما وئردی.
ایجلاسدا تورکیه ایله ایرتیباط لار موضوعسوندا آیرینتیلی بیر فیکیر موبادیلهسی بولونولدوغونو سؤیلهین آلمان باش ناظیر؛
"تورکیه 3 میلیون سیغینماجییلا اینانیلماز مسئولیت بوینونا گؤتوردو و تکرار اینسانی یاردیملار ائتمهیه حاضیر." دئدی.
تورکیهنین آوروپا بیرلیگینه قوشولما پروسهسینده بو آن اوچون یئنی بیر موضوع آچیلمایاجاغینی ایضاح ائدن مرکل، بونا باخمایاراق گلیشمهلرله باغلی دیالوقدا قالیناجاغینی بیلدیردی.
تورکیهنین وضعیتینه و موقعیتینه دقتی چکن مرکل،
"تورکیه بیر شکیلده تروریزمدن تأثیرلنیر؛ هم پ.ک.ک-ده هم ده داعشدن. تورکیه دونیادا حقیقتن بو آن یاشانابیلهجک ان پیس شئیین یاشاندیغی سوریهیه قونشو. حلبه تورک مرزینه نه قدر یاخین اولدوغونو گؤرونجه او زامان بونون نه آنلاما گلدیگی آیدین اولار. تورکیه 3 میلیون سیغینماجییلا اینانیلماز مسئولیت بوینونا گؤتوردو و تکرار اینسانی یاردیملار ائتمهیه حاضیر. " دئیه دانیشدی.
آنگلا مرکل، بو موضوعدا پرزیدنتی رجب طیب اردوغان ایله گؤروشمه حالیندا اولدوغونو دا بیلدیریب.
مرکل، حلبدن آزاد ائدیلنلره کؤمک ائدیلمهسی لازیم اولدوغونو وورغولادی.
سوریهده سیویل خالقا یؤنلیک سالدیریلار موضوعسوندا رژیمین یانیندا روسیا و ایرانین مسئول توتولدوغونو ایفاده ائدن آلمانیا باش ناظیری، ایشلنن جینایتلرین جزالاندیریلماسی لازیم اولدوغونو ایفاده ائتدی.