روسیا: سوریه مخالیفلرین حلبدن چکیلمسی اوچون، آمریکا ایله دانیشاجاغیق
لاوروو، باشکند موسکووادا ائتدیگی آچیکلامادا، آمریکا ایله سوئیس‌ین ژنوه شهریند یاپاجاق‌لاری گؤروشمده سیلاحلی قروپ‌لارین حلبدن آیریلماسینا ایلیشکین تقویم بلیرله‌نه‌جگینی دویوردو.
روسیا دیش ایشلری باخانی سئرگئی لاوروو، سوریه‌نین حلب شهرینی هنوز ترک ائتمین مخالیفلرین چکیلمسی اوچون، آمریکا ایله ده ماسایا اوتوراجاق‌لارینی دویوردو.
شهری ترک ائتمین مخالیفلرین "تروریست" ساییلاجاغینی بیلدیررک لاوروو، باشکند موسکووادا ائتدیگی آچیکلامادا، آمریکا ایله سوئیس‌ین ژنوه شهریند یاپاجاق‌لاری گؤروشمده سیلاحلی گروپ‌لارین حلبدن آیریلماسینا ایلیشکین تقویم بلیرله‌نه‌جگینی دویوردو.
لاوروو،
"روس-آمریکان گؤروشمه‌لرینده سیلاحلی قروپ‌لارین دوغو حلبدن آیریلماسینا ایلیشگین مسیر و زمانلاری بلیرله‌نه‌جک. بون‌لار قبول ائدیلدیکدن سونرا آتشکس ایجرایه گیره‌جک. دوغو حلبدن آیریلمایی رد ادن قروپ‌لاری توریستلرله عینی توتاجاغیق سوریه اوردوسونون بو جور قروپ‌لارا قارشی ائتدیغی عملیاتینی دستکلیه‌جگیک." دئدی.
روسیا دیش ایشلری باخانی، ژنودکی گؤروشمه‌لر گون باشلامایا حاضیر اولدوق‌لارینی آنجاق آمریکان طرفی‌نین ایستگیله بیرنئچه گون ارتلنن توپلانتی‌نین ائتکی‌لی سونوچلاناجاغینی دوشوندوکلرینی بیلدیردی.
لاوروو، بو گون بیرلشمیش میللت‌لر تشکیلاتی‌نین عمومی قرورولوندا بو آخشام سس وئریله‌جک حلب‌ده بیر هفته آتشکس ایسته‌ین لاییحه‌نی ایسه تخریبات اولا‌راق خاراکتریزه ائتدی.
سئرگئی لاورووون بو آچیقلاماسی، موسکوا رهبرلیگی‌نین داها اوّل بئش دفعه ائتدیگی کیمی تکلیفی مانع تؤرده‌جگینی گؤستریر.
بو آرادا، سوریه‌‌دکی ایچ ساواشی‌نین ان چوخ یاشاندیغی حلب‌ده، مخالیف‌لر آرخا آرخایا اللرینده توتدوق‌لاری محله‌لری ایتیریر.
15 نوامبردان بو یانا رژیم گوجلری و روسیانین محاصره ائتدیگی شهرده، بو گون اعتباریله کرم الجبل و الشار سمت‌لری ده ال دییشدیردی.
رویترز خبر آژانسینا دانیشان مخالیف‌لر، ایکی سمتین داها دوشموش ساییلاجاغینی آچیقلادی.
لندن مرکزلی سوریه اینسان حاق‌لاری رصدخانا، الشاردا شیدت‌لی چاتیشما‌لارین یاشاندیغینی بیلدیریر.
شام رژیمی، کاترجی، میسار و کرمی التوراب محله‌لری‌نین دونن گئری آلیندیغینی اعلان ائتمیشدی.
سوریه اوردوسو، دونن ائتدیگی آچیقلامادا، شهرده موباریزه ائدن مخالیف‌لره حلبدن آیریلماما‌لاری حالیندا اؤله‌جک‌لری خبردارلیغینی ائتدی.
آمریکان آسوشیتد پرس خبر آژانسینا دانیشان سوریه‌لی ژنرال سامیر سلیمان، مخالیفلرین قارشی‌سیندا یالنیز ایکی واریانتین اولدوغونو و حیاتدا قالما‌لاری اوچون شهردن آیریلما‌لاری‌نین شرط اولدوغونو سؤیله‌دی.
سلیمان، اوردونون بوتون محله‌لری تمیزلیینجه‌یه قدر دورمایاجاغینی ایفاده ائده‌رک حاضیردا مخالیفلرین کونترولون‌داکی بؤلگه‌لرین یاری‌دان چوخونو گئری آلدیق‌لارینی ایفاده ائتدی.
