فرانسادا ساییشتای ظرفیتینین اوزرینده مسئولیت بوینونا گؤتورن اوردونو خبردار ائتدی
راپوردا، یاخین شرق و آفریقادا رادیکال ترور تشکیلاتلاری موباریزهده 8 مینه یاخین عسگرین وظیفهلندیریلدیگی، یورد ایچینده ترورلا موباریزه ایچینده یئنه 7 مینه یاخین عسگرین وظیفه ائتدیگی بیلدیریلدی
![فرانسادا ساییشتای ظرفیتینین اوزرینده مسئولیت بوینونا گؤتورن اوردونو خبردار ائتدی](http://cdn.trt.net.tr/images/xlarge/rectangle/0bc6/f61f/aea7/582a99fb94078.jpg?time=1719136379)
فرانسادا ساییشتای/دولت خرجلر کونترول قورومو، یورد ایچی و خاریجینداکی عملیاتلاریندا ظرفیتینین اوزرینده مسئولیت بوینونا گؤتورن اوردونو خبردار ائتدی.
توپلوما آچیقلانان ساییشتای راپوروندا،
"اوردونون یورد ایچی و یورد خاریجی عملیاتلاریندا اینسانی، ماشین و وسایل و مهمات باخیمیندان ظرفیتینین اوزرینده مسئولیت آلماسی، یئنی و آکتواللیغینی داشییاجاق عملیاتلارا جواب وئرمه قابیلیتینی سالاجاق." ایفادهسینه یئر وئریلدی.
فرانسیز اوردوسونون خاریجده 2012-2015 ایللرینده 9 فرقلی بؤلگهده آکتیو اولاراق عملیاتدا اولدوغو خاطیرلادیلان راپوردا، یاخین شرق و آفریقادا رادیکال ترور تشکیلاتلاری موباریزهده 8 مینه یاخین عسگرین وظیفهلندیریلدیگی، یورد ایچینده ترورلا موباریزه ایچینده یئنه 7 مینه یاخین عسگرین وظیفه ائتدیگی بیلدیریلدی.
راپوردا، خاریجی عملیاتلاردا اویغون اولمایان فیزیکی و هاوا شرایطی ایله اوردونون ایستیفاده ائتدیگی ماشین و وسایللری اسکیدیغی معلوماتینا یئر وئریلهرک، یئنه بعضی عملیاتلاردا موتتفیق اؤلکهلرین هاوا نقلیات گوجوندن دستک آلینماسی دا تنقید اولوندو.
ساییشتای راپوروندا، ساوونما ناظیرلیگی خرجلرینین اونلارا نظرده توتولان ایللیک بودجهنین چوخ داها چوخ اوستونه چیخماسینا دا تنقیدلر گتیریلدی. ساوونما ناظیرلیگی، سون اولاراق یورد ایچی و خاریجی عملیاتلار اوچون علاوه 830 میلیون یورو وسایل طلب ائتمیشدی. ساونما ناظیرلیگینه 2016-جی ایلین بودجهسیندن خاریجی عملیاتلار اوچون 1 میلیارد 15 میلیون آورو قایناق آیریلمیشدی.