بو گون، آمریکا باشقانلیق سئچیم‌لری‌نین فینال گونو
هر ایکی نامیزد دا سون آنا قدر سئچیم کامپانیا‌لارینی داوام ائتدیردی
بو گون، آمریکا باشقانلیق سئچیم‌لری‌نین فینال گونو ....
دموکرات پارتی‌نین نامیزدی هیلاری کلینتون ایله جمهوریتچی پارتی‌نین نامیزدی دونالد ترامپ آراسین‌داکی گوجو ایله یاریشدا سونا گلیندی.
هر ایکی نامیزد دا سون آنا قدر سئچیم کامپانیا‌لارینی داوام ائتدیردی ..
باشقانلیق یاریشیندا قازانماق ایسته‌ین نامیزدلر، قرارسیز سئچیجی‌لر تأثیر اوچون الین‌دن گلنی ائتدی.
فلوریدا، کالیفورنیا و تکزاس کیمی سس چکی‌سی یوکسک اولان ایالت‌لر سئچیم‌لرده بلیرلییجی ..
"بورا‌لاری قازانان هامی‌سینی آلیر" گؤزویله باخیلان ایالت‌لرده رقابت قیزیشدی.
سالینجاق ایالت اولا‌راق آدلان‌دیریلان و هر ایکی پارتی‌نین ده قازانما احتیمالی‌نین اولدوغو ایالت‌لر کیلید اهمیته صاحب.
هیلاری کلینتونون، سئچیم کامپانیسی مدتینده، باشینی ان چوخ آغری‌دان موضوع شوبهه‌سیز الکترون پوست‌لاری اولدو.
خاریجی ایشلر ناظیرلیگی دؤورونده رسمی یازیشما‌لاری اؤز خصوصی حسابین‌دان ائده‌رک، حساس معلومات‌لارین قورونماسیندا دقت‌سیز داورانماقلا گوناهلاندیریلدی؛ ...
فدرال تحقیقات بوروسونون، اف. بی. آی سئچیمیه ساعت‌لار قالا، کلینتونو سوچلامایاجاق‌لارینی آچیقلاماسی دموکرات‌لاردا روحیه‌لری یوکسلددی ..
هم دموکرات‌لار هم جمهوریتچی‌لر سئچیمی قازانا‌جاق‌لارینا اینانیر.
بو سئچیم‌لرده پرزیدنت‌ین یانیندا 100 عضو‌لو سناتونون اوچده بیری (یعنی 34)، 435 عضو‌لو نماینده‌لر مجلیسی‌نین ایسه هامیسی یئنی‌لنه‌جک.
