روسیا: 16 گون‌دور حلب شهرینه هاوا سالدیریسی ائتمدیک
روسیا ساوونما ناظیری سئرگئی سویگون، سوریه‌نین حلب شهرینده 8 اینسانی کوریدورون آچیق اولدوغونو، 16 گون‌دور بو شهره هاوا سالدیریسی گرچکلشدیرمدیکلرینی ایفاده ائتدی
روسیا ساوونما ناظیری سئرگئی سویگون، سوریه‌نین حلب شهرینده 8 اینسانی کوریدورون آچیق اولدوغونو، 16 گون‌دور بو شهره هاوا سالدیرینی گرچکلشدیرمدیکلرینی ایفاده ائتدی.
روسیا ساوونما ناظیرلیگین‌دن ائدیلن آچیقلامایا گؤره، سویگون، یوکسک سویه‌لی نیظامی مسئول‌لارلا رئاللاشدیردیغی توپلانتیدا، سوریه‌دکی موخالیف قروپ‌لارلا مذاکیره ائتمک مومکون اولمادیغینی دا قید ائتدی.
سوریه‌یه گئدن روس ساواش گمی‌لری‌نین یانا‌جاق اوچون بعضی آوروپا لیمان‌لارینا گیرمه‌سینه ایجازه وئریلمدیگینی خاطیرلا‌دان سویگون، غرب اؤلکه‌لری‌نین ترورا قارشی موباریزه‌یه مانع اولدوغونو ساووندو.
تروریست‌لرین یوخ ائدیلمه‌سی اوچون بیرلیکده حرکت ائدیلمه‌سی و اورتاق‌لارین بیرلرینی مانع تؤرتممه‌سی لازیم اولدوغونو سؤیله‌ین سویگون،
"سیلاح‌لی قروپ‌لار دا بونو اؤز منفت‌لری اوچون ایستیفاده ائدیر. نتیجه اولا‌راق سیاسی پروسس‌ین باشلاما اومیدی و سوریه خالقینین دینج‌لیک اورتامینا دؤنوشو مدت‌سیز شکیلده اوزادیلیر" دئدی.
