145 اوشاق اؤزگورلویونه قوووشدو
سلاحلی قروپلار، گیروو توتدوقلاری 16 مین اوشاقدان 145ینی سربست بوراخدی
![145 اوشاق اؤزگورلویونه قوووشدو](http://cdn.trt.net.tr/images/xlarge/rectangle/7356/32b3/3f08/58109dcb9da24.jpg?time=1719121816)
بیرلشمیش میلتلر تشکیلاتینین اوشاقلارا یاردیم فوندو (یونیسف)، گونئی سودانداکی سلاحلی قروپلارین، گیروو توتدوقلاری 16 مین اوشاقدان 145ینی سربست بوراخدیغینی بیلدیردی.
یونیسفدن وئریلن یازیلی آچیقلامادا، بونون، اؤلکهده اولان سلاحلی قروپلار طرفیندن 2015.جی ایلدن بری تامین ائدیلن رقم اولدوغو وورغولاندی.
آچیقلامادا، یونیسف گونئی سودان نمایندهسی ماهیمبو مدو،
"اومودوموز؛ بو گون قورتاریلان بو اوشاقلارین، هله گونئی سوداندا سلاحلی قروپلارین ترکیبینده اولان 16 مین اوشاغین قورتاریلماسینا اؤنجولوک ائتمهسی و بئلهلیکله بوتون اوشاقلاری عائلهلرینه قوووشدورولماسیدیر" دئدی.
یونیسف، گونئی سوداندا 2013.جو ایلین دسامبر آییندا چاتیشمالار باشلادیغیندان بو یانا 16 مین اوشاغین سلاحلی قروپلارین ترکیبینه داخیل ائدیلدیگینی، یالنیز بو ایل ایسه 800 اوشاغین سلاحلی قروپلارا قاتیلدیغینی بیلدیردی.