آمریکا و قطر، تورک سیلاحلی گوجلری‌نین دابیق کندی گئری آلماسینی ممنونیتله قارشیلادیلار
اشتون کارتر، "موتتفیقیمیز تورکیه و اولوسلار آراسی کوالیسیون طرفین‌دن دابیق کندی‌نین ترور تشکیلاتی داعشدان سوریه‌لی موخالیف‌لر طرفین‌دن قورتاریلدیغینا دایر خبرلری ممنونیتله قارشیلاییرام." ایفاده‌سینی ایستیفاده ائتدی
آمریکا و قطر، تورک سیلاحلی گوجلری‌نین دستکلدیگی سوریه‌لی موخالیف‌لرین دابیق کندی و سوران دیارینا گئری آلماسینی ممنونیتله قارشیلادیق‌لارینی بیلدیردی‌لر.
آمریکا ساوونما ناظیری اشتون کارتر، موضوعیا باغلی یازیلی آچیقلاماسیندا،
"موتتفیقیمیز تورکیه و اولوسلار آراسی کوالیسیون طرفین‌دن دابیق کندی‌نین ترور تشکیلاتی داعشدان سوریه‌لی موخالیف‌لر طرفین‌دن قورتاریلدیغینا دایر خبرلری ممنونیتله قارشیلاییرام." ایفاده‌سینی ایستیفاده ائتدی.
دابیق‌ین ترور تشکیلاتی داعش اوچون ایستراتژی اهمیته صاحب اولدوغونو، تشکیلاتین بورادا بؤیوک ظلم‌لره ایمضا آتدیغینی و اینگیلیس ژورنالینا بو بؤلگه‌نین آدینی وئردیگینی خاطیرلا‌دان کارتر، بون‌لاری قید ائتدی:
"دابیق‌ین قورتاریلماسی، ترور تشکیلاتی داعشین قالیجی بیر مغلوبیته اوغرادیلماسی اوچون سوریه‌ده موباریزه‌یه یئنی بیر سرعت قازاندیرمیش‌دیر. دابیق‌ی اؤزگورشدیرمک اوچون ساواشین سوریه‌لی‌لر و موتتفیقیمیز تورکیه‌یه بو عملیات زامانی یاخین ایش بیرلیک‌لری اوچون بیر دفعه داها تشککور ائدیرم. "
قطر خاریجی ایشلر ناظیرلیگین‌دن ائدیلن آچیقلامادا دا، سوران دیاری و دابیق کندی‌نین قورتاریلماسی‌نین ممنونیتله قارشیلاندیغی، بونون دیگر شهرلرین گئری آلینماسیندا اهمیت‌لی بیر آددیم و ایرلیلییش اولدوغو ایفاده ائدیلدی.
تورک حکومتی‌نین، مرز امنیتینی تامین ائتمک اوچون آلاجاغی هر تدبیره دستک وئریلدیگی ایفاده ائدیلن آچیقلامادا، اولوسلار آراسی توپلومون دا اسد رژیمینه و ترور تشکیلات‌لارینا قارشی موباریزه ائدن سوریه خالقی‌نین یانیندا یئر آلماسی‌نین لازیم اولدوغو قید ائدیلدی
تورک سیلاحلی گوجلری طرفین‌دن دستک‌لنن اؤزگور سوریه اوردوسو، سوریه‌ده دابیق کندی و سوران دیارینا ترور تشکیلاتی داعشدن گئری آلمیشدی.
ترور تشکیلاتی داعشین بیر یایین اورقانینا آدینی وئرن دابیق، تشکیلات اوچون سمبولیک اهمیته صاحب. تشکیلات، دابیق‌دا "مسلمان اولمادیغینا ایناندیغی گوجلر" ایله ائدجگی ساواشلا "قیامت"ین باشلایاجاغینا اینانیر.
