فرانسادا 2017ده ائدیله‌جک پرزیدنت سئچیم یاریشیندا، مرکز ساغ نامیزدلری قارشی-قارشییا گلدی
اسکی جمهورباشقانلاریندان نیکولاس سارکوزی و اسکی باش ناظیرلردن آلن ژوپن‌ین ده آرا‌لاریندا اولدوغو نامیزدلر، ژورنالیست‌لرین سوال‌لارینی جوابلادی
فرانسادا 2017ده ائدیله‌جک پرزیدنت سئچیم یاریشیندا، مرکز ساغ نامیزدلری ایلک دفعه جان‌لی وئریلیشده قارشی-قارشییا گلدی.
اسکی جمهورباشقانلاریندان نیکولاس سارکوزی و اسکی باش ناظیرلردن آلن ژوپن‌ین ده آرا‌لاریندا اولدوغو نامیزدلر، ژورنالیست‌لرین سوال‌لارینی جوابلادی.
جان‌لی یایین‌لانان مذاکیره، نامیزدلر آراسیندا جیدی اوخشارلیق‌لار اولدوغو آچیقلاما‌لارینی اؤزو ایله گتیردی.
خصوصیله ایقتیصاددا، بوتون نامیزدلر دولت خرجلرینی حیسه‌یه و هفته‌لیک 35 ساعات اولان ایش مدتینی دییشدیرمه موضوعسوندا همفیکیر ایدی.
امنیت و سیغینا‌جاق آختاران اینسانلار سیاستی ایسه نامیزدلرین راضیلاشا بیلمدیگی موضوعلار آراسیندا آلدی.
دیگر طرف‌دن سورغولار، "خوشبخت شخصیت" شعارییلا فرق‌لی‌لیک‌لره توخونان نامیزد آلان ژوپن‌ین، سئچیجی‌لرین یوزده 32سینی راضی ائتمیش گؤستریر.
اسکی پرزیدنتی سارکوزی ایسه یوزده 27 ایله رقیبی‌نین گئری‌سینده قالدی.
نامیزدلیک اؤن سئچیمین ایلک تورونون آردین‌دان، اله‌نن نامیزدلرین ایکینجی توردا ایشاره ائدجگی نامیزدین اهمیت‌لی بیر اوستونلوک تامین ائتمه‌سی گؤزلنیلیر.
20 و 27 نوامبردا رئال‌لاشا‌جاق اؤن سئچیم‌دن اوّل نامیزدلر 2 دفعه داها آپارا‌جاق.
فرانسادا ایکی تورلو اولا‌راق حیاتا کئچیریلن پرزیدنت سئچیمی‌نین ایلک تورو 23 آوریلده، ایکینجی تورو ایسه 7 می‌ده کئچیریله‌جک.
