هیلاری کلینتون و جمهوریتچی رقیبی دونالد ترامپ ایکینجی دفعه جان‌لی یاییندا باش باشا موباحیثه ائتدی
دارتیشما اؤنجه‌سی هیلاری کلینتون و دونالد ترامپون توکالاشماما‌لاری، ایکی نامیزد آراسین‌داکی گرگینلیگین اؤلچوسونو گؤزلر اؤنونه سردی
آمریکا 8 نوامبرداکی پرزیدنت سئچیم‌سی اؤنجه‌سی دموکرات‌لارین نامیزدی هیلاری کلینتون و جمهوریتچی رقیبی دونالد ترامپ ایکینجی دفعه جان‌لی یاییندا باش باشا موباحیثه ائتدی.
دارتیشما اؤنجه‌سی هیلاری کلینتون و دونالد ترامپون توکالاشماما‌لاری، ایکی نامیزد آراسین‌داکی گرگینلیگین اؤلچوسونو گؤزلر اؤنونه سردی.
آنجاق طرف‌لر، مذاکیره‌نین سونوندا ال سیخیشا‌راق آیریلدی.
دارتیشمادا، اسکی بیر ویدئو قیدینده قادین‌لارا یؤنلیک آشاغیلاییجی سؤزلری اولدوغو اورتایا چیخدیغی اوچون چتین گون‌لر کئچیرن جمهوریتچی پارتی باشقان نامیزدی دونالد ترامپ، جان‌لی یاییندا عذر ایسته‌دی.
کلینتون، ترامپ‌ین قادین‌لاری، مسلمان‌لارین و دیگر بوتون فرق‌لی قروپلاری هر فورصتده آلچالدا‌راق آیری-سئچیم‌لیک ائتدیگینی و اؤزونو پرزیدنت اولماغا اویغون بولمادیغینی ایفاده ائتدی.
مینسوتا ایالتین‌دکی واشینگتون اونیورسیته‌سینده ائدیلن یایین سالوندا ایزله‌ین‌لر آراسین‌داکی موسلمان بیر قادین، نامیزدلره ایسلاموفوبیا موضوعسون‌داکی دوشونجه‌لرینی سوروشدو.
ترامپ؛
"ایسلاموفوبیا بؤیوک بیر پروبلم. مسلمان‌لار رادیکال ایسلامچی‌لارین فعالیت‌لرینی ایخبار ائتمه‌لی‌دیرلر" دئیرکن؛ کلینتون "مسلمان‌لار بیزیم گؤزلریمیز، قولاق‌لاریمیز اولا‌راق ایچیمیزده یئر آلما‌لی‌لار." دئیه دانیشدی.
سوریه‌ده یاشانان‌لاری هولوکوسدا بنزه‌دن کلینتون، بورادا اوچوشا قاداغان بؤلگه یارادیلماسی فیکرینی دستکلدیگینی قید ائتدی.
ترامپ ایسه "بو گون آرتیق سوریه دئیه بیر یئر یوخدور؛ اورا اوباما و کلینتون سایه‌سینده روسیا و ایرانین" دئیه دانیشدی.
جنن اینترناسیونالین ائتدیردیگی آنکته گؤره، ایکی هفته اولکی تاردتیشما قالیبی هیلاری کلینتون، دونن گئجه ده آغیر باسان طرف ایدی.
سی.ان. ان / ORC آنکتینه قاتیلان‌لارین یوزده 57-ی موباحیثه کلینتونون، یوزده 34و ایسه دونالد ترامپ‌ین قازاندیغی فیکیرینده.
سی.ان. ان-نین ایلک دارتیشما سونون‌داکی آنکتینده، مذاکیره‌نین غالیبی‌نین کلینتون اولدوغونو ایفاده ائدن‌لرین فایزی 62 یدی.
بو وضعیتده، دموکرات نامیزدین 2 هفته‌ده 5 امتیاز ایتیردیگی گؤرولور.
آمریکا مطبوعاتیندا ائدیلن آچیقلامالاردا دا عمومی اولا‌راق جمهوریتچی ترامپ‌ین ایلک دارتیشمایا گؤره داها یاخشی بیر پرفورمانس گؤستردیگی بیلدیریلیر.
ایکی‌لی‌نین سون صحبتی 19 اوکتوبردا نئوادا اونیورسیتئته‌سینده رئال‌لاشا‌جاق.
