کولومبیادا حکومت، یئنی بیر متن اوچون مخالیفلرله گؤروشمکده‌دیر
حکومت ایله فارک آراسیندا 4 ایلدیر کوبادا داوام ائدن مذاکیره‌لر چرچیوه‌سینده 29 آوقوستدا آتشکس اعلان ائدیلمیشدی
کولومبیادا 2 اوکتوبردا ائدیلن خالق اویلاماسیندا کولومبیا اینقیلابچی سیلاح‌لی گوجلری (فارک) ایله ایمضا‌لانان باریش راضیلاشماسی اوچون 'خیر اویو چیخماسی‌نین آردین‌دان حکومت، یئنی بیر متن اوچون تلاش ائتمکده‌دیر.
کئچن هفته ایمضا‌لانان باریش راضیلاشماسینی ساوونان کولومبیا پرزیدنتی خوان مانوئل سانتوس، آنلاشمایا قارشی "خیر" کامپانیاسی ایجرا ائدن اسکی دولت باشقانی آلوارو اریب ایله بیر آرایا گلدی.
مطبوعاتا باغلی رئال‌لاشان و 4 ساعات داوام ائدن گؤروشمه‌ده، حل یول‌لاری‌نین قیمتلندیریلمه‌سی اوچون بیر کومیسیون یارادیلماسی قرارلاشدیریلدی.
توپلانتینین آردین‌دان بیر آچیقلامادا ائدن اریب، بوتون کولومبیالی‌لاری ایچه‌ره‌جک یئنی بیر سوله رازیلاشماسی‌نین تظاهرونو دقت چکه‌رک، دؤولت باشقان سانتوسون دییشیک‌لیک‌لر مؤوضوسونا موسبت یاخینلاشدیغینی سؤیله‌دی.
آلوارو، اویلانیپ رد سوله رازیلاشماسی ایله علاقه‌دار،
' ناراحات‌لیق‌لارین بؤیوک نیسبتده آچیق و دقیق اولمایان بعضی نقطه‌لردن قایناقلاندیغینی تثبیت ائتدیک. بو گون بو ناراحات‌لیق‌لاری آرا‌دان قال‌دیرماق اوچون ایشلره باشلادیق ' دئیه دانیشدی.
بو آرادا، راضیلاشمانین خالق اویلاماسییلا رد ائدیلمه‌سی، مختلیف اؤلکه‌لرده اعتراض ائدیلدی.
نیویورک، لندن و پاریس‌ین ده آرا‌لاریندا اولدوغو 14 فرق‌لی شهرده تشکیل ائدیلن "باریش گئدیشی" آدلی اعتراض گؤستریلرینده مین‌لرله اینسان، باریش راضیلاشماسی‌نین قبول ائدیلمه‌سی چاغیریسینی ائتدی.
حکومت ایله فارک آراسیندا 4 ایلدیر کوبادا داوام ائدن مذاکیره‌لر چرچیوه‌سینده 29 آوقوستدا آتشکس اعلان ائدیلمیشدی.
طرف‌لر آراسیندا ایمضا‌لانان باریش راضیلاشماسییلا آتشکسین قالیجی اولماسی نظرده توتولوردو.
آنجاق کولومبیادا 52 ایلدیر داوام ائدن و 250 مین نفرین اؤلومونه یول آچان چاتیشما‌لاری بیتیرمه‌سی نظرده توتان باریش موقاویله‌سی، 2 اوکتوبر بازار گونو ائدیلن خالق اویلاماسیندا یوزده 50,2 ایله رد ائدیلمیشدی.
اسکی دولت باشقان اوریب‌ین باشینی چکدیگی "خیر" طرفدارلاری، راضی‌لاشماقلا فارکا چوخ چوخ گذشته وئریلدیگینی ساوونوردو.
اوریب و دیگر مخالیف‌لر، فارک عضو‌لری‌نین سئچیم‌لرده نامیزد اولا بیلمه‌سینه، تشکیلات لیدرلری‌نین گوناه‌لارینی اعتراف ائتمه‌لری وضعیتینده حبس جزاسی آلمایا‌جاق اولماسینی نظرده توتان راضیلاشما مادده‌لرینه قارشی چیخیردی.
مخالیف‌لر، همچینین تشکیلاتین غیری-قانونی یول‌لاردان الده ائتدیگی مالی قایناق‌لارلا ایللردیر داوام ائدن شدتین قوربان‌لارینا تضمینات اؤدمه‌سینی و کولومبیا آنایاساسیندا دییشیک‌لیگه گئدیلممه‌سینی طلب ائدیردی.
