آمریکا، روسیا اعتراض گؤستردی
ارنست، گوندهلیک مطبوعات کونفرانسیندا، موسکوانین اسد رژیمینه گؤندردیگی یئنی موشک ساوونما ائتمه سیستمینه باغلی گلیشمهلری یاخیندان تعقیب ائتدیکلرینی سؤیلهدی
![آمریکا، روسیا اعتراض گؤستردی](http://cdn.trt.net.tr/images/xlarge/rectangle/6f4e/3748/2420/57357c5807294.jpg?time=1718864964)
![rusya suriye'ye S-300 gönderdi.jpg](http://cdn.trt.net.tr/images/xlarge/rectangle/f3cd/2874/ac61/57f3d9e36503f.jpg?time=1718864964)
آمریکا، روسیانین "ساوونما مقصدلی" اولدوغونو ایفاده ائدهرک، سوریهیه S-300 هاوا ساوونما موشک سیستمی یئرلشدیرمسینه اعتراض گؤستردی.
آغ ائو سؤزچوسو جاس ارنست، گوندهلیک مطبوعات کونفرانسیندا، موسکوانین اسد رژیمینه گؤندردیگی یئنی موشک ساوونما ائتمه سیستمینه باغلی گلیشمهلری یاخیندان تعقیب ائتدیکلرینی سؤیلهدی.
روسیانین "آشیریلیقچیلارلا موباریزه" و "ساوونما" کیمی سببلرله بو موشک ساوونما ائتمه سیستملرینی سوریهیه یئرلشدیردیگینی بیلدیرن ارنست،
"داعش و یا القاعدهنین ساواش اوچاغی اولدوغونون فرقینده دئییلم." دئدی.
جاس ارنست، همچینین، اسد رژیمینه قارشی اولونا تحریملرله علاقهدار قیمتلندیرمهلری ماسادا توتدوقلارینی و بوتون واریانتلاری ایستیفاده ائده بیلهجکلرینی ایفاده ائتدی.
ساوونما ناظیرلیگی (پنتاگون) سؤزچوسو پتر کوک دا، بو یئنی موشکدن ساوونما سیستمینین فرقینده اولدوقلارینی قید ائدهرک،
"روسیا تمل مقصدلرینین تروریزمله موباریزه اولدوغونو سؤیلهییر، آنجاق بیلدیگیمیز قدریله بؤلگهدکی داعش و النصره کیمی ترور تشکیلاتلاریندا هاوا گوجو موجود دئییل. بلکه روسلارین موضوعیلا علاقهدار داها یاخشی بیر آچیقلاماسی واردیر." دئیه دانیشدی.
کوک، یئنی موشک ساوونما ائتمه سیستمینین بؤلگهدکی داعش علیهداری کوالیسیونون اوچوش پلانلارینی آخساتماماسی اوچون بوتون تدبیر و احتیماللاری دوشوندوکلرینی وورغولایاراق، آمریکا ایله روسیا آراسینداکی "چاتیشماسیزلیک حالینین" بو گونه قدر اولدوغو کیمی داوام ائتمهسی اوچون لازیملی ایرتیباط کاناللارینین آچیق قالاجاغینی ایفاده ائتدی.
خاریجی ایشلر ناظیرلیگی سؤزچوسو مارک تونر ده گوندهلیک مطبوعات کونفرانسیندا، روسیانین S-300 تیپلی موشک سیستمینی سوریهیه قونوشلاندیریلماسینین داعشله و القاعده ایله موباریزه کیمی سوریهدکی هدفلریله اویمادیغینی ایفاده ائتدی.
روسیا ساوونما ناظیرلیگی سؤزچوسو ایگور کوناشنکوو، سوریهیه S-300 هاوا ساوونما موشک سیستمی گؤندردیکلرینی ائشیتدیرمیشدی.
کوناشنکوو، S-300 هاوا ساوونما سیستمینین، روسیانین سوریهدکی نیظامی-دنیز پایگاهی تارتوس و بؤلگهدکی گمیلرینین هاوادان گلهجک تهلوکهلره قارشی قورونماسی مقصدیله قونوشلاندیریلدیغینی ایفاده ائتمیشدی.
روسیا، سوریهده داها اوّل S-300 هاوا ساوونما سیستمی قونوشلاندیرمیشدی.