روسیا نوکلئر ساواشا می حاضیرلانیر؟
اینگیلتره مطبوعاتی‌نین ادعاسینا گؤره روسیا، آمریکادان گله بیله‌جک بیر نوکلئر سالدیرییا قارشی تدبیر آلیر
روسیا نوکلئر ساواشا می حاضیرلانیر؟
موسکوانین آمریکا ایله گئتدیکجه بولانان ایلیشکیلرینده وضعیت نوکلئر اؤلچولره چاتدی.
اینگیلتره مطبوعاتی‌نین ادعاسینا گؤره روسیا، آمریکادان گله بیله‌جک بیر نوکلئر سالدیرییا قارشی تدبیر آلیر.
اوخشار قایناق‌لارا گؤره، دولت باشقانی ولادیمیر پوتین، اولا بیله‌جک بیر نوکلئر ساواشینا قارشی، 12 میلیون نفرلیک یئر آلتی سیغینا‌جاق‌لاری تیکدیردی.
روسیا، آمریکا ایله "پلوتونیوم یوخ ائتمه‌سی" راضیلاشماسینی دا تاخیره آلمیشدی.
ولادیمیر پوتین، اؤلکه‌سی ایله آمریکا آراسین‌داکی پلوتونیوم مهوینه یؤنلیک راضیلاشمانین تاخیره آلینماسینی نظرده توتان قراری ایمضالادی.
قرارا سبب اولا‌راق "شرط‌لرده باش وئرن کؤک‌لو دییشیک‌لیک‌لر و آمریکانین روسیایا دوشمن داورانماسی نتیجه‌سینده ایستراتژی ثابت‌لیگه قارشی یارانان تهدیدلر" گؤستریلدی.
بیر دیگر سبب اولا‌راق دا "آمریکانین پلوتونیوم یوخ ائتمه‌سی موضوعسون‌داکی مسئولیت‌لرینی یئرینه یئتیرمدیگی" ادعا ائتدی.
ایکی اؤلکه، 29 آوقوست 2000-جی ایلده پلوتونیوم آنبارلارینی آزالدیلماسی موضوعسوندا راضیلاشمیشدی.
