آنگلا مرکل: تورکیه ایله الده اولونان قاچقین آنلاشماسی هر ایکی اؤلکهنین ده خیرینه
مرکل، " امنیتین تأمینات آلتینا آلینا بیلمهسی اوچون الدن گلهنین ائدیلمهسینی ایستمهنین توپلومون حاقی اولدوغونو" سؤیلهدی
![آنگلا مرکل: تورکیه ایله الده اولونان قاچقین آنلاشماسی هر ایکی اؤلکهنین ده خیرینه](http://cdn.trt.net.tr/images/xlarge/rectangle/4fcd/4941/0817/57d00ea20df98.jpg?time=1718809846)
آلمانیا باش ناظیری آنگلا مرکل، تورکیه ایله الده اولونان قاچقین آنلاشماسی هر ایکی اؤلکهنین ده خیرینه اولدوغونو سؤیلهدی.
مرکل، قاچقینلار اوچون داها چوخ شئی ائدیلمهسی لازیم اولدوغونو وورغولادی.
آلمانیا باش ناظیری آنگلا مرکل، حکومتین قاچقین بحرانینین عهدهسیندن گلهبیلمدیکلری سوچلاماسینی گئری چئویردی.
مرکل، 2017 مالیه ایل بودجهسینین مذاکیره مجلیس عمومی قورولونداکی چیخیشیندا، "وضعیتین بیر ایل اوّلینه گؤره چوخ داها یاخشی اولدوغونو، آنجاق داها چوخ شئی ائدیلمهسی لازیم اولدوغونو" سؤیلهدی.
فدرال حکومتین ایچ امنیت ساحهسینده علاوه تدبیرلر آلاجاغینی ایفاده ائدن باش ناظیر مرکل،
" امنیتین تأمینات آلتینا آلینا بیلمهسی اوچون الدن گلهنین ائدیلمهسینی ایستمهنین توپلومون حاقی اولدوغونو" سؤیلهدی.
تورکیه ایله الده اولونان قاچقین گئری قبول آنلاشلماسی ساوونان باش ناظیر آنگلا مرکل، راضیلاشمانین هر ایکی اؤلکهنین ده منفعتینه اولدوغونو و او تاریخدن بو یانا اژهده درحال هئچ ایتکین یاشانمادیغینی بیلدیردی.
راضیلاشمانین میصیر، تونیس و داها سونرا لیبی ایله ائدیلمهسینه چالیشان راضیلاشمالارا اؤرنک اولابیلهجک وورغولایان باش ناظیر آنگلا مرکل، تورکیه ایله علاقهدار اولاراق "اینسان حاقلاری ایخلال ائدیلسه، آدینی قویاریق. نیظامی کودتا تشببوسو باشاریسیزلیغا اوغراسا، باشاریسیزلیغا اوغراماسی یاخشی اولدو، دئیریک "دئدی.
مرکلین باشقانی اولدوغو خریستیان سوسیال بیرلیک مکلنبورگ-فورپومرن ایالت پارلامنت سئچیملرینده باشاریلی اولا بیلممهسی اوزرینه کوالیسیون اورتاغی خریستیان سوسیال بیرلیک صدری و باویرا ایالت باش ناظیری هورشت زیهوفر، مرکلین قاچقین سیاستینه یؤنلتدیگی تنقیدلرین دوزاسینی آرتیرمیشدی.