باراک اوباما و ولادیمیر پوتین چینین هانگزو شهرینده گؤروشه جکلر
آمریکا و روس دیپلوماتلار، سوریهده دولت باشقانی بشار اسد و مخالیفلر آراسیندا، ایکی آتش آراسیندا قالان میلیونلارلا وطنداشی اینسانی یاردیم آپاریلماسینی تامین ائدهجک بیر آتشکس ایمضالانماسینا واسیطهچیلیک ائتمهیه چالیشیر
565355
![باراک اوباما و ولادیمیر پوتین چینین هانگزو شهرینده گؤروشه جکلر](http://cdn.trt.net.tr/images/xlarge/rectangle/b1f2/4fc8/5205/57886b46d1104.jpg?time=1718879199)
آمریکا ایله روسیا آراسیندا سوریهدکی ایچ ساواشی اوزرینه آپاریلان دانیشیقلار نتیجهسیز قالدی.
آمریکا خاریجی ایشلر ناظیرلیگیندن اوست سویه بیر مسئول، خاریجی ایشلر ناظیری جان کئرری و روسیا خاریجی ایشلر ناظیری سرگئی لاورووون ائتدیگی گؤروشمهده، ایکی اؤلکهنین سوریه موضوعسونداکی فرقلیلیکلرینی آشامادیغینی ایفاده ائتدی.
آمریکا و روس دیپلوماتلار، سوریهده دولت باشقانی بشار اسد و مخالیفلر آراسیندا، ایکی آتش آراسیندا قالان میلیونلارلا وطنداشی اینسانی یاردیم آپاریلماسینی تامین ائدهجک بیر آتشکس ایمضالانماسینا واسیطهچیلیک ائتمهیه چالیشیر.
آمریکا پرزیدنتی باراک اوباما و روسیا دولت باشقانی ولادیمیر پوتین G-20 ایجلاسی اوچون اولدوقلاری چینین هانگزو شهرینده بو گون بیر آرایا گلهجک.