اشتاین مایر: فتح اللهچی ترور تشکیلاتی نین 15 ژوئیهده کودتا گیریشیمی تورکیه اوچون جیدی تهدیدیدی
تورکیهنی زیارت ائدیب ائتمیهجگینین سوروشولماسی اوزرینه اشتاین مایر؛ "گئرییه دؤنوب باخیلدیغیندا بلکه گئتمک لازیم ایدی، ان آزیندان گیدیلهبیلیردی
![اشتاین مایر: فتح اللهچی ترور تشکیلاتی نین 15 ژوئیهده کودتا گیریشیمی تورکیه اوچون جیدی تهدیدیدی](http://cdn.trt.net.tr/images/xlarge/rectangle/c819/e682/d4e4/57c503b7e0685.jpg?time=1718768996)
آلمانیا خاریجی ایشلر ناظیری فرانک والتر اشتاین مایر، فتح اللهچی ترور تشکیلاتی پارالل دولت یاپیلانماسی (فتو / پ.د.ی)'نین 15 ژوئیهده کودتا گیریشیمینین، تورکیه اوچون جیدی تهدید میدانا گتیردیگینی سؤیلهدی.
اشتاین مایر، آلمان بیرینجی تلویزیون کانالی ARD-یه دانیشدی، تورکیهدکی کودتا گیریشیمی، آلمانیا-تورکیه علاقهلری و سوریه بحرانی حاقیندا قیمتلندیرمه ائتدی.
اشتاین مایر، 15 ژوئیه کودتا گیریشیمی ایله علاقهدار اولاراق؛
"حقیقتن جیدی بیر کودتا گیریشیمی اولدو" دئدی.
تورکیهنی زیارت ائدیب ائتمیهجگینین سوروشولماسی اوزرینه اشتاین مایر؛
"گئرییه دؤنوب باخیلدیغیندا بلکه گئتمک لازیم ایدی، ان آزیندان گیدیلهبیلیردی. آنجاق حادثهلر سرعتلی اینکیشاف ائتدی. تورکیه خاریجی ایشلر ناظیری ایله گؤروشدوم" ایفادهلرینی ایستیفاده ائتدی.
آلمانیا خاریجی ایشلر ناظیری، سوریه مسئلهسینده تورکیه ایله فرقلی دوشوندوکلری نقطهلر اولدوغونو آنجاق ایستهسهلر ده، ایستمهسهلر ده سوریهدکی ایختیلافی یومشالدماق، ساکیتلشدیرمک و سیاسی حلّ آپارماق اوچون تورکیهیه احتیاج دویاجاقلارینی ایفاده ائتدی.
آلمان میللت وکیللرینین اینجیرلیک پایگاهینی زیارت ائده بیلمهلری اوچون تورکیهنین آلمان مجلیسینده قبول ائدیلن 1915 حادثهلرینه باغلی قرارینا آلمان حکومتینین مسافه قویما شرطینی ده گوندمه داشییان اشتاین مایر؛
"من بونون بیرباشا علاقهلی اولدوغونو گؤرمورم. بونو تورک همکاریما دا سؤیلهدیم، زیارت اوچون راضی ائتمهیه اولماغا چالیشیریق" دئیه دانیشدی.