مارک تونر: چته باشی فتح الله گولنین قایتارماسینی رسمی اولاراق آمریکادان طلب ائدیلدی
تونر، بو مرحلهده اعادهسینه باغلی سند و ماتریاللاری دگرلندیرهجکلرینی ایفاده ائدهرک، سؤز موضوعسو طلبین 15 ژوئیهده کودتا تشببوسو ایله باغلی اولمادیغینی قید ائتدی
آمریکا خاریجی ایشلر ناظیرلیگی، تورکیهنین، فتح اللهچی ترور تشکیلاتی پارالل دولت یاپیلانماسینین (فتو / پ.د.ی) چته باشی فتح الله گولنین قایتارماسینی رسمی اولاراق طلب ائتدیگینی بیلدیردی.
آمریکا خاریجی ایشلر ناظیرلیگی ایسپیکری مارک تونر، گوندهلیک مطبوعات بریفینگینده، فتو چته باشی گولنین قایتاریلماسینا باغلی سواللاری دا جوابلاندیریب.
تورکیهنین، آمریکانین پنسیلوانیا ایالتینده یاشایان گولنین قایتاریلماسینا یؤنلیک ایستگه دایر هر هانسی بیر یئنیلمهنین اولوب اولمادیغینین سوروشولماسی اوزرینه تونر،
"تورکیهنین، گولنین قایتارماسینی طلب ائتدیگینی تصدیق ائده بیلریک." دئدی.
تونر، بو مرحلهده اعادهسینه باغلی سند و ماتریاللاری دگرلندیرهجکلرینی ایفاده ائدهرک، سؤز موضوعسو طلبین 15 ژوئیهده کودتا تشببوسو ایله باغلی اولمادیغینی قید ائتدی.
طلبه باغلی داها چوخ معلومات وئره بیلمهیهجهیم وورغولایان تونر، کودتا گیریشیمی خاریجینده "دیگر سببلردن اؤتورو" گولنین اعادهسینین ایستندیگینی سؤیلهدی.