بروکسلده ترور تشکیلاتی پ.ک.ک-نین جشنی
بلژیک ترور تشکیلاتی پ.ک.ک طرفدارلارینین تشکیلاتین 1984-جو ایل آوقوستون 15-ده ایلک قانلی هوجومونون 32-جی ایلدؤنومونو قئید ائتمهلرینه ایجازه وئردی.
![بروکسلده ترور تشکیلاتی پ.ک.ک-نین جشنی](http://cdn.trt.net.tr/images/xlarge/rectangle/6b0a/7ddd/e15e/57b13d623f9b8.jpg?time=1719104206)
بلژیک ترور تشکیلاتی پ.ک.ک طرفدارلارینین تشکیلاتین 1984-جو ایل آوقوستون 15-ده ایلک قانلی هوجومونون 32-جی ایلدؤنومونو قئید ائتمهلرینه ایجازه وئردی.
ترور تشکیلاتینین طرفدارلاری پایتاخت بروکسلین ایسپانژپلین مئیدانیندا الی قانلی تشکیلاتین 1984-جو ایلده تورکیهنین سییرت ویلایتینین اروه، حککاری ویلایتینین ایسه شمدینلی قصبهلرینده ایکی عسگرین شهید اولدوغو ایلک هوجوملارینی شنلیک هاواسیندا قئید ائتدی.
تدبیرده ترور تشکیلاتینی تمثیل ائدن بئز پارچالارین آسیلماسینا دا ایجازه وئریلیب. نوماییشچیلر قولدورباشی عبدالله اوجالانین سربست بوراخیلماسینی ایستهین شعارلار سسلندیردیلر.
بلژیک پولیسی نوماییشین ایجازهسیز اولدوغونو ادعا ائتدی، آنجاق موداخیله ده ائتمهدی.
بلژیک رسمیلری فتح الله چی ترور تشکیلاتی پارالل دؤولت یاپیلانماسینین (فئتو/پ.د.ی) تورکیهده ژوئیهنین 15-دکی چئوریلیش جهدینه اعتراض ائتمک ایستهین تورکلره ایسه حادثه یارانا بیلهجگینی ایرهلی سورهرک ایجازه وئرمهمیشدی.
بلژیکین باش ناظیری شارل میشل ایسه آچیقلاما وئرهرک دئمیشدی کی، تورکیهده کی گرگینلیکلرین اولکهمیزه گتیریلمهسینی قبول ائتمهجهیم.