امریکا تورکیه – روسیانین یاخینلاشماسینا موناسیبت بیلدیردی
آمریکا خاریجی ایشلر ناظیرلیگی دؤولت باشچی‌سی رجب طیب اردوغانین روسیا پرزیدنتی ولادیمیر پوتین ایله کئچیردیگی گؤروشون واشینگتن ایله آنکارا آراسینداکی علاقه‌لره منفی تأثیری‌نین اولمایاجاغینی بیلدیردی.
آمریکا خاریجی ایشلر ناظیرلیگی دؤولت باشچی‌سی رجب طیب اردوغانین روسیا پرزیدنتی ولادیمیر پوتین ایله کئچیردیگی گؤروشون واشینگتن ایله آنکارا آراسینداکی علاقه‌لره منفی تأثیری‌نین اولمایاجاغینی بیلدیردی.
خاریجی ایشلر ناظیرلیگینین سؤزچوسو الیزابت ترودو گونلوک مطبوعات کونفرانسیندا تورکیه و روسیانین دونن کئچیردیگی یوکسک سویه‌لی گؤروشلره دایر سوال‌لارا جاواب وئردی.
اردوغان و پوتین‌نین 9 آیا یاخین بیر زاماندان سونرا ایلک دفعه گؤروش کئچیردیگی ایله باغلی سوال قارشی‌سیندا ترودو بیلدیردی کی، تورکیه ایله روسیا آراسینداکی یاخینلاشمانین بیزیم تورکیه ایله علاقه‌لریمیزه منفی تأثیری اولمایا‌جاق. بو باره‌ده شوبهم یوخ‌دور. تورکیه و روسیا موستقیل اؤلکه‌لردیر. دونیانین موختلیف اؤلکه‌لری آراسیندا علاقه‌لر وار. تورکیه و روسیانین تک اورتاق هدفی داعش دئییل‌دیر. اولوسلار آراسی سوریه دستک قروپو دا اورتاق علاقه‌لردن‌دیر.
ترودو تورکیه ایله اولان علاقه‌لرین و دوستلوغون چوخ گوجلو اولدوغونو بیل‌دیره‌رک دئدی کی، بونو آچیق-آشکار سؤیله‌دیک، بیز تورکیه حکومتی‌نین یانینداییق.
آمریکا خاریجی ایشلر ناظیرلیگینین رسمی‌سی فتح الله چی ترور تشکیلاتی پارالل دؤولت یاپیلانماسنین (فئتو/پ.د.ی) باشچی‌سی فتح الله گوله‌نین گئری قایتاریلماسینا دایر سوال قارشی‌سیندا ایسه دئدی کی، تورکیه‌دکی رسمی‌لر ایله بو پروسئس چرچیوه‌سینده بیرباشا علاقه ساخلانیلیر.
