آمریکا، لیبی‌ده ترور تشکیلاتی داعش هدف‌لرینی ووردو
لیبی میللی آنلاشما حکومتی باشقانلیق شوراسی‌نین صدری فایز مصطفی السراج دا، آمریکا اوچاق‌لاری‌نین سیرت‌دکی داعش هدف‌لرینی ووردوغونو آنجاق آمریکا قارا گوجلری‌نین عملیات‌لارا قاتیلمایاجاغینی سؤیله‌دی
آمریکا، لیبی‌نین قوزئیین‌دکی سیرت شهرینده ترور تشکیلاتی داعش هدف‌لرینی ووردو.
آمریکا ساوونما ناظیرلیگی (پنتاگون) سؤزچوسو پیتر کوک، ائتدیگی مطبوعات آچیقلاماسیندا، پرزیدنت باراک اوبامانین، ساوونما ناظیری اش کارتر و باش قرارگاه باشقانی ژوزف دانفوردون توصیه‌لری اوزرینه سالدیری‌لارا تصدیق وئردیگینی ایفاده ائتدی.
هاوا سالدیری‌لاری‌نین، لیبی میللی آنلاشما حکومتی‌نین (اومه) ایستگیله و داعشه قارشی موباریزه وئرن یئرلی گوجلره دستک مقصدیله ایجرا ائدیلدیگینی سؤیله‌ین کوک،
"سیرت‌ده داعشه یؤنلو هاوا سالدیری‌لاریمیز داوام ائده‌جک." دئدی.
لیبی میللی آنلاشما حکومتی باشقانلیق شوراسی‌نین صدری فایز مصطفی السراج دا، آمریکا اوچاق‌لاری‌نین سیرت‌دکی داعش هدف‌لرینی ووردوغونو آنجاق آمریکا قارا گوجلری‌نین عملیات‌لارا قاتیلمایاجاغینی سؤیله‌دی.
باشقانلیق شوراسی‌نین، آمریکادان معین هاوا سالدیری‌لاری اوچون بیرباشا دستک ایستدیگینی ایفاده ائدن ساراژ، سیرت‌دکی داعش هدف‌لرینه یؤنلیک سالدیری‌لاردا ترور تشکیلاتی‌نین چوخ سایدا ایتکین وئردیگینی ایفاده ائتدی.
بیرلشمیش میللت‌لر ده، وضعیتین یاخین‌دان تعقیب ائدیلدیگینی بیلدیردی.
لیبی‌ده میللی آنلاشما حکومتینه باغلی بیرلیک‌لر، 2 آیدان اوزون مدت‌دیر اؤلکه‌نین قوزئیینده ترور تشکیلاتی داعش ایله موباریزه ائدیر.
ژانویه 2015-جی بو یانا داعشین کونترولوندا اولان سیرتی، حکومته باغلی گوجلر طرفین‌دن 13 ژوئیه‌دن گئری آلینمیشدی.
ایلگیلی‌لی خبرلر
ژاپندا شدتلی یاغیشلار سببی ایله ۶ نفر حیاتینی ایتیردی
ژاپونون نوتو و سوزو بؤلگه‌لرینده شدتلی یاغیشلار نتیجه‌سینده سئل و تورپاق سوروشمه‌سی میدانا گلدی
