دونیا تورکیهده فتحاللهچی ترور تشکیلاتینین چئویریلیش جهدینه قارشی چیخیر
بیرلشمیش میلتلر تشکیلاتی تورکیهنین چتین آنلاریندا اونون یایندادیر.
![دونیا تورکیهده فتحاللهچی ترور تشکیلاتینین چئویریلیش جهدینه قارشی چیخیر](http://cdn.trt.net.tr/images/xlarge/rectangle/4493/2e91/7aa9/56e3ce3c60889.jpg?time=1718872615)
بیرلشمیش میلتلر تشکیلاتی تورکیهنین چتین آنلاریندا اونون یایندادیر.
بونو بیرلشمیش میلتلر تشکیلاتینین باش کاتیبینین سؤزچوسو فارهان حاق دئدی و علاوه ائتدی کی، "چئویریلیشه جهدین موفقیتسیزلیگی گؤزلهنیلن ایدی".
باش ناظر بینالی ییلدیریمین قانونون عالیلیگینه دایر شرحیندن خبردار اولدوقلارینی بیلدیرن بیرلشمیش میلتلر تشکیلاتی رسمیسی تورکیه حکومتینین دوغرو آددیم آتدیغینی وورغولادی. فارهان حاق تورکیهده دموکراتیا و آنایاسا پرینسیپلرینین قورونماسینین اهمیتینه ده توخوندو.
تورکیهده حربی چئویریلیش جهدینی آوروپا اتفاقی شوراسیدا کسکین پیسله دی. قورومون خارجی علاقهلر شوراسینین بلژیکین پایتاختی بروکسلدهکی توپلانتیسیندان سونرا بیرگه معلوماتیندا قئید اولونور کی، "آوروپا اتفاقی تورکیهده چئویریلیشه جهدی قطعیت ایله پیسلهیر و اؤلکهنین قانونی تشکیلاتلارینا تام دستکینی گؤستریر".
آوروپا اتفاقینین تورکیه خالقینا همرایلیگینین ایفاده اولوندوغو معلوماتدا حادثه زامانی حیاتینی ایتیرنلر اوچون درین کدر دویولدوغو یئر آلیر.
آوروپا اؤلکهلری تورکیهده کی سیاسی پارتیالارین دموکراتیانی بیرگه دستکلهدیکلریندن ممنونیتلرینی ده قئید ائتدیلر.