ناتو و روسیا یئنه راضی‌لاشا بیلمه‌دی
سفیرلر سویه‌سینده کئچیریلن ناتو- روسیا شورانین ییغینجاغیندا طرف‌لر آراسیندا راضی‌لیق الده ائدیله بیلمه‌دیگی بیلدیریلدی.
سفیرلر سویه‌سینده کئچیریلن ناتو- روسیا شورانین ییغینجاغیندا طرف‌لر آراسیندا راضی‌لیق الده ائدیله بیلمه‌دیگی بیلدیریلدی.
روسیانین 2014-جو ایلده قیریمی ایشغالین‌دان سونرا ناتو- روسیا شوراسی ایکینجی دفعه ییغینجاق تشکیل ائتدی.
ییغینجاقدا روسیانین آوروپادا ناراحاتلیغا سبب اولان حربی فعالیت‌لری و ورشودا باش توتان ناتو توپلانتی‌سیندا قبول ائدیلن قرارلار موذاکیره اولوندو.
ناتو باش کاتیبی ینس استولتنبرگ روسیانین آددیم‌لاری‌نین ایکی طرف‌لی علاقه‌لری تهلوکه ایله اوزلشدیردیگینی بیلدیردی. ناتو-یا عضو اؤلکه‌لرین اوکراینانین اراضی بوتؤو‌لوگونه اولان دستکی‌نین داوام ائتدیگینی وورغولایان استولنتبرگ اوکراینا پروبلئمی‌نین صلح یولو ایله حلی‌نین موناسیبت‌لرین اینکیشافینا دستک اولاجاغینی قئید ائتدی.
روسیا خاریجی ایشلر ناظری سرگئی لاوروف ایسه آوروپا قیته‌سینده روسیانی تجرید ائتمه سیاستی‌نین تطبیق ائدیلدیگینی سؤیله‌دی.
