اوروپا بیرلیگی، اینگیلتره‌نین بیرلیکدن آیریلما پروسه‌سینی مذاکیره ائدیر
توسک، "اینگیلتره‌نین رسمی بیلدیریش اولما‌دان هر هانسی بیر مذاکیره‌یه باشلامایاجاغیق" دئیه دانیشدی
اوروپا بیرلیگی، اینگیلتره‌نین بیرلیکدن آیریلما پروسه‌سینی مذاکیره ائدیر.
بیرلیک عضوو اولان اؤلکه‌لرین لیدرلری، " Brexit گوندمیله" بروکسل‌ده توپلاندی.
اینگیلتره باش ناظیری کامرون، رفراندوم نتیجه‌سینه گؤره، اؤلکه‌سی‌نین بیرلیکدن آیریلاجاغینی، بون‌دان کدر دویدوغونو آنجاق بو پروسهنین مومکون قدر مثبت اولماسینی ایستدیک‌لرینی ایفاده ائتدی.
اوروپا بیرلیگی شوراسی‌نین صدری دونالد توسک ایسه اینگیلتره‌نین بیرلیکدن آیریلما پروسهنین بیر آن اوّل ایشلنمه‌سی لازیم اوزرینده دایاندی.
"البته کی بونو هوسله سؤیله‌میرم. بو خیالینی قوردوغوموز بیر سناری دئییلدی" دئیه دانیشان توسک، آنجاق موجود راضیلاشما‌لارا گؤره اینگیلیس حکومتی‌نین قانونی مسئولیتلرینی یئرینه یئتیرمه‌سی لازیم اولدوغونو وورغولادی.
توسک، "اینگیلتره‌نین رسمی بیلدیریش اولما‌دان هر هانسی بیر مذاکیره‌یه باشلامایاجاغیق" دئیه دانیشدی.
فرانسا پرزیدنتی فرانسوا اولاند دا اینگیلیس رهبرلیگی‌نین "مومکون اولان ان قیسا مدتده آیری‌لیق گؤروشمه‌لرینه باشلاماسی لازیم اولدوغونو" قید ائتدی.
اولاند، "اینگیلتره‌نین بیرلیک ایله اورتاق تاریخی بیتمیش‌دیر آنجاق اوروپا بیرلیگی اوچون تاریخ داوام ائدیر" دئیه دانیشدی.
بیرلیکدن چیخیش اوچون اینگیلتره‌نین، اوروپا بیرلیگی سازیشی‌نین 50ینجی مادده‌سینی قوه‌یه قویماسی، اوروپا بیرلیگینه رسمی اولا‌راق رفراندوم نتیجه‌سینی چاتدیرماسی لازیم‌دیر.
اینگیلیس حکومتی‌نین، چیخیش مدتینی باشلادا‌جاق لیزبون سازیشی‌نین 50-جی مادده‌سینی یئنی باش ناظیر وظیفه‌یه گلنه قدر دؤوره‌یه سوخماسی گؤزلنیلمیر.
اوروپا‌لی مسئوللار ایسه بو مادده‌نین بیر آن اوّل ایجرایا قویولماسینی ایستییر.
چونکی آنجاق بون‌دان سونرا 2 ایلی سورمه‌سی گؤزلنیلن چیخیش تقویمی باشلادیلا‌جاق.
