فرانسادا ایش اصلاحاتی قانون لاییحه‌سی، سناتودا دا قبول اولونوب
آنایاسا گریی لاییحه، میللی مجلیسه گئری گؤندریله‌رک 5 ژوئن‌ده یئنیدن اله آلینا‌جاق. بو آرادا، قانونا قارشی چیخان‌لار پاریس‌ده یئنه گؤستری تشکیل ائتدی
فرانسادا چالیشان‌لارلا پولیسی دفعه‌لرله قارشی-قارشییا گتیرن ایش اصلاحاتی قانون لاییحه‌سی، میللی مجلیسین آردین‌دان سناتودا دا قبول اولونوب.
لاییحه سناتودا ائدیلن دییشیک‌لیک‌لرله چالیشان‌لار علیهینه داها دا آغیرلاشدیریلدی.
آنجاق لاییحه‌نین سناتودا 185-ا قارشی 156 سسله قبول ائدیلمه‌سی یاسالاشماسینا چاتمادی.
آنایاسا گریی لاییحه، میللی مجلیسه گئری گؤندریله‌رک 5 ژوئن‌ده یئنیدن اله آلینا‌جاق.
بو آرادا، قانونا قارشی چیخان‌لار پاریس‌ده یئنه گؤستری تشکیل ائتدی.
سندیکا‌لارجا تشکیل ائدیلن گؤستری قیسا زاماندا پولیسله چاتیشمایا چئوریلدی.
پولیس گؤستریچی‌لره گؤزیاشاردیجی گازلا مداخیله ائتدی.
موباحیثه‌لره سبب اولان قانون لاییحه‌سی، گونده‌لیک ماکزیموم ایش مدتی‌نین آرتماسی، ایش آنلاشما‌سیندا دییشیک‌لیک ائتمک ایسته‌ین ایشچی‌لرین ایشدن آتیلابیلمسی کیمی موضوعلاری ایچه‌ریر.
