قوزئی کوره ایکی یئنی بالیستیک راکت سیناغی ائدیب
سؤزچو، آتیلان موشک‌لرین قوزئی آمریکا اوچون بیر تهدید میدانا گتیرمدیگینی وورغولاییب
گونئی کوره، قوزئی کوره‌نین ایکی یئنی بالیستیک راکت سیناغیندا اولدوغونو، بون‌لاردان بیری‌نین باشاری‌سیزلیکله نتیجه‌لندیگینی بیلدیریب.
گونئی کوره ساوونما ناظیرلیگین‌دن ائدیلن آچیقلامادا، ایلک سیناغین باشاریسیز اولدوغو، ایکینجی موشک‌ین ایسه 400 کیلومتر اوچدوغو ایفاده ائدیلدی.
گونئی کوره باشقان‌لیق اوفیسی حادثه‌له باغلی گوونلیک کونفرانسی ائدیله‌جگینی ائشیتدیردی.
آمریکا مسئول‌لاری موشک‌ین ژاپون دنیزینه دوشموش اولا بیله‌جگینی قید ائتدی.
آمریکان خاریجی ایشلر ناظیرلیگی سؤزچوسو حادثه‌نی قینادیق‌لارینی، وضعیت قیمتلندیرمه‌سی‌نین داوام ائتدیگینی سؤیله‌دی.
سؤزچو، آتیلان موشک‌لرین قوزئی آمریکا اوچون بیر تهدید میدانا گتیرمدیگینی وورغولاییب.
ژاپون، قوزئی کوره‌نین راکت سیناغی تلاشی‌نین بیرلشمیش میللت‌لر تشکیلاتی‌نین قرارینی پوزدوغونو و وضعیتین شدت‌لی بیر شکیلدی اعتراض ائدیله‌جگینی آچیقلادی.
سون ایکی آی عرضینده قوزئی کوره طرفین‌دن آتیلان دؤرد موشک داها یا پلان‌لانان‌دان اوّل پارتلامیش یا دا دوشموشدو.
بیرلشمیش میللت‌لر تشکیلاتی‌نین، نوکلئر سلاح اینکیشاف پروقرامینا صاحب اولان قوزئی کوره‌یه، هر هانسی بیر بالیستیک راکت تکنولوژیسینی ایستیفاده ائتمنی قاداغان ائتمیشدی.
