پاریس‌دا ترور سالدیریسی: 3 اؤلو
فرانسا ایچ ایشلر ناظیرلیگی سؤزچوسو پی‌یر-هنری براندت، عملیات سونراسی ائتدیگی یازیلی آچیقلامادا سالدیرینی قینایارکن، پولیس مامورونون اؤلن خانیمی‌نین ده ایچ ایشلر ناظیرلیگینده مامور اولا‌راق چالیشدیغی معلوماتینی وئردی
فرانسانین باشکندی پاریس‌ین شمال-غربینده گئجه گئج ساعات‌لاردا یاشانان گیروو بحرانیندا بیر پولیس و خانیمینی اؤلدورن سالدیرقان ائدیلن عملیاتلا اؤلو اله کئچیریلدی. سالدیرینی ترور تشکیلاتی داعش بوینونا گؤتوردو.
پاریس‌ین شمال-غربین‌دکی ماگنانویل حومه‌سینده یاشانان حادثه‌ده، ایش چیخیشی ائوینه دؤنن پولیس مامورو، اوتوردوغو بینانین قارشیسیندا اوغرادیغی سالدیریدا بیر چوخ بیچاق ضربه‌سی آلا‌راق اؤلدورولدو. سالدیرقان، داها سونرا بینایا گیره‌رک پولیس مامورونون خانیمی و اوشاق‌لارینی گیروو آلدی. "راید" آدلی فرانسیز اؤزل پولیس قروپونون بؤلگه‌یه سوق ائدیلمه‌سی‌نین آردین‌دان بینا تامامیله محاصره‌یه آلیندی.
پولیسله سالدیرقان آراسین‌داکی بازارلیغی نتیجه وئرممه‌سی اوزرینه اؤزل قروپ، گیروو‌لارین اولدوغو ائوه باسقین تشکیل ائتدی. عملیاتدا پولیس مامورونون خانیمینی اؤلدورن سالدیرقان اؤلو اله کئچیریلرکن، اوشاق قورتاریلدی.
فرانسا ایچ ایشلر ناظیرلیگی سؤزچوسو پی‌یر-هنری براندت، عملیات سونراسی ائتدیگی یازیلی آچیقلامادا سالدیرینی قینایارکن، پولیس مامورونون اؤلن خانیمی‌نین ده ایچ ایشلر ناظیرلیگینده مامور اولا‌راق چالیشدیغی معلوماتینی وئردی.
قان‌لی سالدیری‌نین بیر خصوصیتی ده، 130 نفرین اؤلدوغو پاریس سالدیری‌لاری‌نین آردین‌دان فوق ا‌لعاده حال اعلان ائدیلن فرانسادا، نوامبر آیین‌دان بو یانا یاشانان ایلک ترور سالدیریسی اولماسی ...
