اوروپا فوتبال شامپیونلوغو فرانساداکی اعتصابلار کؤلگهسینده جمعه گونو باشلاییر
میللی دمیریولو ایدارهسی، اعتصابین مالی فاکتورنون ایندیدن 300 میلیون یورویا یئتیشدیغینی بیلدیردی
![اوروپا فوتبال شامپیونلوغو فرانساداکی اعتصابلار کؤلگهسینده جمعه گونو باشلاییر](http://cdn.trt.net.tr/images/xlarge/rectangle/865b/dbdb/a372/5758f2efd3f8a.jpg?time=1718934274)
![paris, çöp.jpg](http://cdn.trt.net.tr/images/xlarge/rectangle/2c4b/7747/ed82/5758f545c7802.jpg?time=1718934274)
![fransa polisi.jpg](http://cdn.trt.net.tr/images/xlarge/rectangle/786d/4c5a/5903/5758f53f20841.jpg?time=1718934274)
فرانسانین ائوصاحیبلیغینی ائدهجگی اوروپا فوتبال شامپیونلوغو (یورو 2016) اؤلکهنی سارسیدان اعتراض و اعتصابلاری کؤلگهسینده صاباح (جمعه) باشلاییر.
پاریسده زیبیل یوخ ائتمه مرکزی ایشچیلرینین ایش قانون قانونونا قارشی چرشنبه آخشامی گونو باشلاتدیغی اعتصاب اوزوندن، پایتختین زیبیللری بیر هفتهدیر یوخ ائدیلهبیلمیر. شهرین بیر چوخ بؤلگهسینده زیبیللر ییغیلمیش وضعیتده.
هر گون تخمینن 2 مین تون زیبیلی 200 یوک ماشینی ایله داشیندیغی مرکزده ایلده 700 مین تونا یاخین توللانتی چئوریلیر.
دمیریوللاری ایشچیلرینین اعتراضی ده، اؤلکه ایچینده نقلیاتی منفی یؤنلیک تأثیر داوام ائتدیریر.
میللی دمیریولو ایدارهسی، اعتصابین مالی فاکتورنون ایندیدن 300 میلیون یورویا یئتیشدیغینی بیلدیردی.
حیرصلی ایشچیلر، سون اولاراق، اؤلکهنین دؤرد بیر یانیندا سرگیلنن اوروپا فوتبال شامپیونلوغو کوپاسینی باشکنده آپاران قاطارا مانه اولمایا چالیشدی.
پایتختدکی شمالی گاریندا، کوپاسی داشییان قاطارا مانع تؤرتمهیه چالیشان ایشچیلر و پولیس آراسیندا عربهده یاشاندی.
باشکنده گتیریلن کوپا، داها سونرا پولیس قوروماسی آلتیندا مسئوللرا تسلیم ائدیلدی.
فرانسادا، میللی هاوا یولو شیرکتی ایر فرانس پیلوتلاری ایسه 11-14 ژوئنده اعتصابا گئدهجک.
نقلیات ناظیری آلاین ویدالیئس، یورو 2016 اوّلی دمیریولو ایشچیلرینین باشلاددیغی و پیلوتلارین دا ایزلیهجگی اعتصابلاری مسئولیتسیزلیک اولاراق خاراکتریزه ائتدی.
دیگر طرفدن، شامپیونلوغونون تشکیل ائدیلهجگی اؤلکهده ترور قایغیسی داوام ائدیر.
قارشیلاشمالارین اویناناجاغی استادیوملاردا و اطرافلاریندا پولیس کونتروللاری آرتارکن، حکومت ده گوونلیک تدبیرلری موضوعسوندا مرز تانیمیر.
10 ژوئن-10 ژوئیه تاریخلری آراسیندا تشکیل ائدیلهجک موساییقهده 10 شهرده 51 اویون کئچیریلهجک.
یورو 2016 اوچون تخمینن 8 میلیون فوتبال سئورین فرانسایا گئتمهسی گؤزلنیلیر.