مرکل،دونیا اینسان ذیروه‌سی‌نده، اؤلکه‌لرین تعهد‌لره اویمادیق‌لارینی سؤیله‌دی
پوروشنکو، "روسیانین کریمه‌نین قانون‌سوز ایلحاکی کریمه خالقینی ضرر چکمیش ائدیر." دئدی
اوکراین دولت باشقانی پترو پوروشنکو، روسیانی، اولوسلار آراسی اینسانی حقوقو پوزماقدا گوناهلاندیردی.
ایستانبولدا تشکیل ائدیلن بیرلشمیش میللت‌لر تشکیلاتی‌نین دونیا اینسان ذیروه‌سی‌نین آچیلیش ایجلاسیندا چیخیش ائدن پوروشنکو، اوکراین‌ین شرقینده و کریمه‌دکی اینسانی بحران‌لارا دقت چکدی.
پوروشنکو، "روسیانین کریمه‌نین قانون‌سوز ایلحاکی کریمه خالقینی ضرر چکمیش ائدیر." دئدی.
اوکراین لیدری،
"بیر زامان‌لار باغیشچی موقعیتیندکی اوکراین، اینسانی کؤمک ائدن بیر اؤلکه حالینا گلدی. بو یاشادیغیمیز تجروبه نتیجه‌سینده بونو گؤردوک کی اینسانی حرکته کئچه بیلمک اوچون عاجیل اولا‌راق یئنی بیر پارادیگما تطبیق اولونماسی لازیم‌دیر. میلیون‌لارلا اینسانین چکدیگی آغری‌لاری بیتیرمک اوچون ده اینسان‌لیق گوندمیمیزی یئنیدن نظردن کئچیرمه‌میز لازیم‌دیر." دئیه دانیشدی.
آچیلیش ایجلاسیندا سؤز آلان بیر باشقا آد ایسه آلمان باش ناظیری آنگلا مرکل اولدو.
مرکل، اؤلکه‌لرین تعهد‌لره اویمادیق‌لارینی سؤیله‌دی:
"هامیمیز عینی سیاره یاشاییریق. هر اینسانین ساده‌جه تک بیر حیاتی وار و او حیاتی داوام‌لی و معنا‌لی شکیلده حیاتا حاقی وار. بونو ائده بیلمه‌سی اوچون ده او کس‌لره بو فورصتین وئریلمه‌سی لازیم‌دیر.
اینسانی یاردیم‌لارین مومکون اولان ان قیسا مدتده تقدیم ائدیلمه‌سی لازیم اولدوغونو یازان آلمان باش ناظر؛
"بونو یالنیز بیر فلاکت‌دن فلاکته قاچا‌راق دئییل داها سیستماتیک بیر شکیلده تقدیم ائتملیگیک. چوخ واخت تعهدود‌لر وئریلیر لاکین کیمسه بونو تطبیق ائتمیر. آلمان اولا‌راق بو تعهدود‌لرین یئرینه گتیریلمه‌سینی ایستییریک." ایفاده‌لرینی ایستیفاده ائتدی.
کویت امیری شیخ صباح آل احمد الجابر الصباح ایسه، ایجلاسدا ائتدیگی دانیشمادا، 60 میلیون اینسانین چوخ چتین شرط‌لر ایچینده، 200 میلیون‌دان دا یوخسوللوق سرحدی‌نین آلتیندا یاشادیغینی ایفاده ائتدی.
صاباح،
"بو سببله، بحران‌لاری و چاتیشما‌لاری سونلاندیرما‌لی، یاردیم‌لاریمیزی تامین ائدرکن چوخ سرعت‌لی شکیلده جواب وئرملیگیک. بو شکیلده فلاکت‌لردن تأثیرلنن اینسان‌لارین احتیاج‌لارینی سرعت‌لی شکیلده حل ائده بیلریک. بونون اوچون ده اینسانی فعالیت‌لری جانلاندیرمامیز لازیم‌دیر. "دئدی.
دونیانین قارشی-قارشییا اولدوغو چتین‌لیک‌لری آشماق اوچون بونون کیمی بیر ایجلاس تشکیل ائدیلمه‌سین‌دن دویدوغو ممنونیتی دیله گتیرن کویت امیری،
"بو ایجلاس اوّل‌دن هئچ گؤرمدیگیمیز بیر فورصت. بو شکیلده تلاشلاریمیزی بیرلش‌دیره‌بیلیر، کووردیناسیون ائده بیلریک و بو یوللا اؤنوموزدکی بؤیوک پروبلم‌لری یئنه‌بیلیریک. خصوصیله ده بیرلشمیش میللت‌لر تشکیلاتی‌نین شرطی‌نین تعیین اولدوغو پرینسیپ‌لره گؤره مختلیف تشکیلات‌لاری و آژانسیلاری واسطه‌سیله باشلاتدیغی ایشلری بیرلش‌دیره‌بیلیر و بو شکیلده اورتاق ایشلریمیزی حیاتا کئچیره بیلریک. "دئدی.
مالی دولت باشقانی ابراهیم بوباکار کیتا دا ایقلیم دییشیکلیگین‌دن قیدا امنیتینه اؤز اؤلکه‌سینده یاشانان چوخ اؤلچولو بحران‌لارا توخونا‌راق اینسان‌لیق گوندمینه یاتیریم ائدیلمه‌سی لازیم اولدوغونو و بو موضوعدا ائدیله‌جک هر جور ایشه دستک وئره‌جک‌لرینی وورغولادی.
