مرکل: تورکیه، اوروپایا بیرباشا قونشو اولان اهمیت‌لی بیر پارتنر
آنگلا مرکل تورکیه، اؤلکه‌دکی 3 میلیون سوریهلی ایله بؤیوک مسئولیت بوینونا گؤتوردو. حاق‌لی اولا‌راق یوکون پایلاشیلماسینی ایستییر دئیه دانیشدی
آلمان‌ین باش ناظیری آنگلا مرکل، تورکیه‌نین، اوروپایا بیرباشا قونشو اولان اهمیت‌لی بیر پارتنر اولدوغونو سؤیله‌دی.
مرکل، اوروپا بیرلیگی اؤلکه‌لری ایله تورکیه آراسیندا سوریهلی سیغینماچی‌لارلا باغلی راضیلاشمانین هدفی‌نین، اینسان‌لارین قورونماسی‌نین یانیندا سیغینماچی‌لارین تورکیه‌یه گتیردیگی یوکون اوروپا اؤلکه‌لری آراسیندا عدالت‌لی شکیلده بؤلوشدورولمه‌سی و اوروپا بیرلیگی خاریجی مرزلری‌نین قورونماسی اولدوغونو ایفاده ائتدی.
آنگلا مرکل، آلمان " Frankfurter Allgemeine Sonntagszeitung " قزئتینه وئردیگی آچیقلامادا، سیغینماچی‌لارا مومکون اولدوغو قدر اؤز اؤلکه‌لرینده قالما‌لاری اوچون ایمکان تامین ائدیلمه‌سی لازیم اولدوغونو ده ایفاده ائده‌رک،
"تورکیه، اؤلکه‌دکی 3 میلیون سوریهلی ایله بؤیوک مسئولیت بوینونا گؤتوردو. حاق‌لی اولا‌راق یوکون پایلاشیلماسینی ایستییر. ساحیللرینده بؤیوک اؤلچوده اینسان قاچاقچی‌لیغی ائدیلمه‌سی و هله اینسان‌لارین دنیزده بوغولماسی تورکیه‌نین ده منفتینه اولا بیلمز. اوروپا بیرلیگی- تورکیه موقاویله‌سی‌نین اصل سبب‌لرین‌دن بیری ده اژه دنیزینی بو گوناهکارلارا تسلیم ائتممک. و بو موضوعدا اهمیت‌لی ایره‌لیلمه‌لر قید ائدیلدی. بیز اوروپا‌لی‌لار داوام‌لی دیللندیردیغیمیز دگرلری جدی قبول آلاجاقسینیزسا مسئولیت‌لریمیزی دا باغلی قالمالیییق. هم سیغینماچی‌لاری قبول ائتمه هم ده سیغینماچی‌لارین اؤلکه‌لرین‌دن قاچیش سبب‌لرینه قارشی موباریزه ائتمه موضوعلاریندا. " دئیه دانیشدی.
