آمریکا، بوتؤو سوریهدن یانا اولدوغونو بیلدیردی
بلینکن، سوریهنی بیر آرادا، بوتون اولاراق توتماغی و اؤلکهده سیاسی کئچیدین تامین ائدیلمهسینی هدفلدیکلرینی قید ائتدی
آمریکا، سوریهنی بیر یئرده توتاجاق بوتؤو سوریهدن یانا اولدوغونو بیلدیردی.
آمریکا خاریجی ایشلر باخانینین معاوینی آنتونی بلینکن، تلکونفرانس اوصولویلا ژورنالیستلره ائتدیگی آچیقلامادا، بؤلونمه اؤلکهدکی موجود پروبلملری حل ائتمک یئرینه داها بؤیوک پروبلملرین اورتایا چیخماسینا سبب اولاجاغینی سؤیلهدی.
سوریه مرزیندن کیلیسه ائدیلن سالدیریلارلا علاقهدار ده بلینکن، "سوریهدن تورکیهیه داعشین ائتدیگی سالدیریلاردان اولدوقجا نیگرانیق. بو موضوعدا تورک اورقانلاری ایله یاخین تماس و کووردیناسیون حالینداییق." دئدی.
بلینکن، سوریهنی بیر آرادا، بوتون اولاراق توتماغی و اؤلکهده سیاسی کئچیدین تامین ائدیلمهسینی هدفلدیکلرینی قید ائتدی.
سوریه مرزیندن کیلیسه ائدیلن سالدیریلارلا علاقهدار ده بلینکن،
"سوریهدن تورکیهیه ترور تشکیلاتی داعشین ائتدیگی سالدیریلاردان اولدوقجا نیگرانیق. بو موضوعدا تورک اورقانلاری ایله یاخین تماس و کووردیناسیون حالینداییق." دئدی.
ناتو-نون شرق مرزلرینی گوجلندیرمک عذره شرقی اوروپایا 4 مین عسگر گؤندریلهجگی ایستیقامتینده چیخان خبرلرله باغلی سوالا ایسه بلینکن بو شکیلده جواب وئردی:
"شرقی اوروپادا ائتمگی پلانلادیغیمیز شئی، داواملی روتاسیونا اوغرایان، ایچریسینده یئنی سلاحلی ساواش دا اولدوغو 4 مین عسگر ساخلاماق. عسگرلر اولدوقلاری بؤلگهده یالنیز معین بیر مدت قالاجاق داها سونرا اونلارین یئرینی درهال یئنی قروپلار آلاجاق."