اوباما میللی امنیت شوراسینی توپلادی

آمریکا پرزیدنتی باراک اوباما، ترور تشکیلاتی داعش ایله موباریزه‌نی مذاکیره ائتمک هدفی ایله میللی امنیت شوراسینی توپلادی.

آغ ائو مطبوعات سؤزچوسو جاس ارنست، گونده‌لیک مطبوعات کونفرانسیندا، پرزیدنت اوبامانین میللی امنیت شوراسی ایله ائتدیگی توپلانتییا باغلی بیلگی وئردی.

ارنست، توپلانتی‌نین، سون آیلاردا ائدیلن میللی امنیت شوراسی‌نین توپلانتیلاری‌نین بیر پارچاسی اولدوغونا دقت چکه‌رک، آمریکا مرکزی کشفیات تشکیلاتی (سیا)، خاریجی ایشلر ناظیرلیگی و ساوونما ناظیرلیگین‌دن مسئول‌لارین قاتیلدیغینی سؤیله‌دی.

ییغینجاق‌دا اوبامایا عراق و سوریه‌ده داعشه ائدیلن عملیات‌لار حاقیندا معلومات وئریلدیگینی ایفاده ائدن ارنست،

"پرزیدنت و تیمی، سوریه‌ده سیاسی حل کئچید پروسه‌سی حاقین‌داکی احتیمال‌لاری دانیشدی" دئدی.