فیکیرداش اؤلکه‌لر کونفرانسی پاریس‌ده گئچیریلدی
چاووش اوغلو؛"یالنیز مخالیفتین دایانیق‌لی‌لیغی چاتماز، رژیم مذاکیره هیاتی‌نین ده سیاسی دییشیم موضوعسونا گیرمه‌سی گؤزلنیلیر" دئدی
تورکیه خاریجی ایشلر باخانی مولود چاووش اوغلونون تورکیه‌نی تمثیل ائتدیگی، سوریه موضوعلو فیکیرداش اؤلکه‌لر کونفرانسی بو دفعه، فرانسانین باشکندی پاریس‌ده گئچیریلدی.
آرا‌لاریندا تورکیه، سعودی عربیستانی، قطر، اوردون، آمریکا، اینگیلتره، آلمان و ایتالیانین دا قاتیلدیغی توپلانتیدا، سوریه‌لی مولاییم مخالیف‌لرین لیدرلرین‌دن ریاض حجاب سون وضعیته باغلی معلومات وئره‌رک دستک ایسته‌دی.
حجاب، سوریه‌دکی آتشکسی روسیانین پوزدوغونو و النصره و داعش کیمی تشکیلات‌لاری دئییل، بیرباشا مخالیفتی، خسته‌خانا و وطنداش‌لاری هدف آلدیغینی سؤیله‌دی.
توپلانتی سونراسی آچیقلاما ائدن خاریجی ایشلر باخانی مولود چاووش اوغلو دا سوریه‌ده وطنداش‌لاری و خسته‌خانا‌لاری هدف ساحه‌لرین شخصاً رژیم گوجلری و روسیا اولدوغونو ایفاده ائتدی.
چاووش اوغلو، آمریکا ایله روسیانین تشببوسو باشلادیلان چاتیشماسیزلیک مدتینده اجرانین اهمیتینه دقت چکه‌رک، هدفلری‌نین آتشکسین تامامیله تامین ائدیلمه‌سی و سیاسی پروسه‌سین باشلاماسی اولدوغونو سؤیله‌دی.
چاووش اوغلو؛
"یالنیز مخالیفتین دایانیق‌لی‌لیغی چاتماز، رژیم مذاکیره هیاتی‌نین ده سیاسی دییشیم موضوعسونا گیرمه‌سی گؤزلنیلیر" دئدی.
فرانسا خاریجی ایشلر باخانی آیرو ایسه اسد رژیمی‌نین سیاسی دییشیم اوچون هئچ بیر ایراده گؤسترمدیگینی ایفاده ائتدی.
ژنو باریش گؤروشملریندن چکیلن یوکسک مذاکیره شوراسی ده پاریس‌دکی توپلانتی‌دان اومیدلی اولدوق‌لارینی و دانیشیق‌لارا یئنی‌دن قاتیلماغی اومید ائتدیک‌لرینی دیله گتیردی.
شورا نماینده‌سی باسما کودمانی، روسیا و آمریکا دولتی طرفین‌دن الده ائدیلن سون چاتیشماسیزلیک راضیلاشماسی‌نین داها گوجلو اولدوغونو، لاکین نئجه اجرا ائدیلدیغینه باخیلماسی لازیم اولدوغونو سؤیله‌دی.
موضوعیا باغلی اولا‌راق ایران و روسیا دا داخیل اولماق عذره 17 اؤلکه‌نین قاتیلیمی ایله داها گئنیش قابساملی بیر توپلانتی‌نین اؤنوموزدکی هفته‌لرده رئاللاشماسی گؤزلنیلیر.
