قوزئی کورهنین یئنی بیر نوکلئر سیناغا حاضیرلاندیغی ایرهلی سورولدو
واشینگتون ایسه بونو تصدیقلهیهجک وضعیتده اولمادیغینی بیلدیریب
![قوزئی کورهنین یئنی بیر نوکلئر سیناغا حاضیرلاندیغی ایرهلی سورولدو](http://cdn.trt.net.tr/images/xlarge/rectangle/8fea/1440/b6e5/56fa6f2f9b708.jpg?time=1719187708)
قوزئی کورهنین یئنی بیر نوکلئر سیناغا حاضیرلاندیغی ایرهلی سورولدو.
قوزئی کوره خبر آژانسی، آمریکایا قارشی گوجلو بیر نوکلئر جایدیریجیلیغا احتیاج دویدوقلاری ایستیقامتینده بیر آچیقلاما یایینلادی.
گونئی کوره خبر آژانسی دا قوزئیده یئنی بیر نوکلئر سیناغا حاضیرلاندیغینی ایرهلی سوردو.
واشینگتون ایسه بونو تصدیقلهیهجک وضعیتده اولمادیغینی بیلدیریب.
قوزئی کوره، ایندییه قدر 4 نوکلئر سیناغی ائتدی.
دیگر طرفدن، قوزئی کورهنین کئچن شنبه گونو سوالتی ائتدیگی بالیستیک موشک سیناغی، قیسمن باشاریلی اولدو.
گونئی کورهلی مسئوللار، موشکنین 30 کیلومتر اوجدوقدان سونرا دوشدویونو بیلدیردی.
پیونگیانگ رژیمینین 15 آوریلده بیر اورتا منزیللی موسودان موشکی سینانماسی گؤزلنیلیردی، آنجاق بو اولمادی.
موسودان موشکی، پیونگیانگ رژیمینین آمریکانی ووراجاق ظرفیتده موشک اینکیشاف پروژهسینین بیر بؤلومو اولاراق قیمتلندیریلیر.
بو آرادا، آمریکا خاریجی ایشلر ناظرلیگی سؤزچوسو مارک تونر، قوزئی کورهنین بالیستیک موشک سیناقلارینین داوام ائتمهسی وضعیتینده "دیگر واریانتلاری" نظردن کئچیرهجکلرینی سؤیلهدی.
کئچن آی قوزئی کورهیه قارشی چوخ آغیر تحریم آلدیقلارینا دقت چکن، تونر، بو قرارلاری "محکم بیر یومروق" شکلینده قیمتلندیردی.