فرونتکس، آغدنیز و اژه‌ده تدبیرلرینی آرتیرماغا باشلادی

اوروپا بیرلیگی مرز گوونلیگی تشکیلاتی فرونتکس، آغدنیز و اژهده یاشانان جان ایتکیسینه مانع تؤرهده بیلمک اوچون تدبیرلرینی آرتیرماغا باشلادی.

یونانیستان و ایتالیا قورو سولارینداکی گشت ساییسینی آرتیران فرونتکس آیریجا دوزنسیز گؤچله موباریزه اوچون هاوا دستگی ده تامین ائدهجک.

دوزنسیز کؤچ و اینسان قاچاقچیلیغینا قارشی موباریزه اوچون تورکیهیه گلن فرونتکس اجرا دیرکتورو فابریس لجری، خاریجی ایشلر و ایچ ایشلر ناظرلیگی مسئوللاریله گؤروشدو.

دانیشیقلاری قیمتلندیرن لجری، تورکیه ایله بیرباشا معلومات پایلاشماسیدیر اهمیتینه دقت چکدی.

تورکیه ایله 4 ایل اوّل راضیلاشما سندی ایمظالاندیغینی خاطیرلادان لجری، دانیشیقلاریندا موجود امکداشلیغی نظردن کئچیردیکلرینی و اؤنوموزدکی ایللرده بللی امکداشلیق ایشلرینه یؤنلیک قیمتلندیرمهلرده اولدوقلارینی سؤیلهدی.

لجری،

"مرز رهبرلیگی، دوزنسیز کؤچ و قاچاقچیلیق ایله علاقهدار ایچ ایشلر ناظرلیگی ایله دانیشیقلار ائدیلدی. تورک پولیس تشکیلاتینین اینسان قاچاقچیلیغییلا علاقهدار آیری بیر واحید قورماسینا دایر دانیشیقلار ائتدیک. بو تامین تقدیرده تورکیه ایله بیرباشا معلومات پایلاشماسینی تامین ائده بیلهجگیک" دئیه دانیشدی.

2005-جی ایلده اوروپا بیرلیگی مرزلرینی ایداره و گوونلیگینی تامین ائتمک اوچون قورولان فرونتکس طرفیندن آچیقلانان معلوماتلارا گؤره، عینی ایل 1،8 میلیون نفر اوروپایا سیغینماچی گئتدی.

بونلاردان 885 مینی ایسه اوروپایا تورکیهدن کئچید ائتدی.

کئچن ایلین ژانویه و فوریه آیینا نیسبتن بو ایل سیغینماچیلارین ساییسی 30 قات آرتدی.