اوباما، ایسرائیل پرزیدنتی رووین ریولینی آغ ائوده آغیرلادی
ایسرائیل پرزیدنتینی قبول ائتمکدن ممنونیت دویدوغونو دیله گتیرن اوباما، اؤلکهسینین، ایسرائیلین گوونلیگینه ایستیقامتلی مسئولیتینی تکرارلادی
آمریکا بیرلشیک دولتلری پرزیدنتی باراک اوباما، ایسرائیل-فیلیسطین مسئلهسینده، باریشین یاخین زاماندا مومکون گؤرونمدیگینی آنجاق بو ایستیقامتده چالیشماقدان گئری قالمامالاری لازیم اولدوغونو سؤیلهدی.
اوباما، ایسرائیل پرزیدنتی رووین ریولینی آغ ائوده آغیرلادی.
ایسرائیل پرزیدنتینی قبول ائتمکدن ممنونیت دویدوغونو دیله گتیرن اوباما، اؤلکهسینین، ایسرائیلین گوونلیگینه ایستیقامتلی مسئولیتینی تکرارلادی.
اوباما، بونون خاریجی سیاستینین ان اهمیتلی قانونلاریندان بیری اولدوغونو قید ائتدی.
یاخین شرقده ثابتلیک وورغوسو ائدن اوباما، بؤلگهده، قیشقیردمالارین سونا چاتدیریلماسی لازیم اولدوغونو سؤیلهدی؛ ایسرائیل و فیلیسطینلیلری باریشا چاتدیراجاق بیر دیالوق مکانیزمینه احتیاج اولدوغونو ایفاده ائتدی.
اوباما،
"آیدیندیر کی، بو مرحلهده جدی بیر باریشا اوزاق گؤرونسه ده سیناغی داوام ائتدیرمهمیز اهمیتلی" دئیه دانیشدی.
ایسرائیل پرزیدنتی ریولین ده، اؤلکهسینین آمریکا بیرلشیک دولتلرینده داها بؤیوک بیر دوستو اولمادیغینی سؤیلهدی.
باش-باشا گؤروشن ایکی لیدر، واشینگتونون ایسرائیله، گلهجک 10 ایلده ائدهجگی نیظامی یاردیم پاکتی قیمتلندیردی.
لیدرلر، ترور تشکیلاتی داعش ایله موباریزه و سوریه مسئلهسی کیمی بؤلگهسل موضوعلاری گؤروشدو.
اوباما و ریولین، آغ ائوده، یهودیلرین مقدس 'هانوکا بایرامی اوچون تشکیل ائدیلن قید ائتمه فعالیتینه ده قاتیلدی.