آمریکا اوکراینا 190 میلیون دولارعلاوه یاردیم ائدهجک
موصاحیبهنین آردیندان بیرگه مطبوعات کونفرانسیندا دانیشان بایدن، آمریکا اولاراق اوکراینا دستک اوچون علاوه یاردیم ائتمک قراری آلدیقلارینی سؤیلهدی
آمریکا باشقان کؤمکچیسی جو بایدن، اوکراینا مالی دستک چرچیوهسینده 190 میلیون دولار علاوه یاردیم ائدهجکلرینی سؤیلهدی.
جیزگی زیارت اوچون اوکراینین باشکندی کیئوده اولان بایدن، اوکراین دولت باشقانی پترو پوروشنکو ایله بیر آرایا گلدی.
موصاحیبهنین آردیندان بیرگه مطبوعات کونفرانسیندا دانیشان بایدن، آمریکا اولاراق اوکراینا دستک اوچون علاوه یاردیم ائتمک قراری آلدیقلارینی سؤیلهدی.
بایدن،
"بو 190 میلیون دولارلیق یاردیم، سوی-ایستیفادهلر موباریزه، ایچ اصلاحاتلار، محکمه اصلاحاتلاری، خاریجی سرمایهچینی تشویق ائتمه، یاتیریم آسانلاشدیرما و اؤزللشدیرمه رفورموندا ایستیفاده ائدیلمهلیدیر." دئیه دانیشدی.
کریمهنین روسیا طرفیندن ایلحاقینی قبول ائتمهیهجکلرینی ده وورغولایان بایدن، کریمهنین ایلحاقینین اوسلارآراسی حقوقا ضد و قبول ائدیله بیلمز اولدوغونو قید ائتدی.
آمریکا باشقان کؤمکچیسی بایدن،
"روسیا، اؤلکهنین شرقیندکی عصیانچیلارا دستگینی بوراخیب، مینسک راضیلاشماسینین گرکلرینی یئرینه یئتیرمهلی" دئدی.
اوکراین دولت باشقانی پترو پوروشنکو دا، اوکراینین سوریهده تروریزمله موباریزه چرچیوهسینده یارادیلان اوسلارآراسی کوالیسیونا ماکسیموم سویهده دستک وئرمهیه حاضیر اولدوغونو سؤیلهدی.