فرانسادا بؤلگه‌سل سئچیم‌لری آشیری میللی جبهه پارتیسی قازاندی

فرانسادا 13 بؤلگه‌نین رهبرلیگی‌نین بللی اولاجاغی بؤلگه‌سل سئچیم‌لرین ایلک دؤورونو، آشیری میللی جبهه پارتیسی (FN) قاباقدا تاماملادی.
رسمی اولمایان نتیجه‌لره گؤره، لیدرلیگینی مارین لو پن ائتدیگی FN سس‌لرین یوزده 29،5ینی، لیدرلیگینی نیکولا سارکوزی‌نین ائتدیگی جمهوریتچی‌لر ایسه سس‌لرین یوزده 27 سینی آلارکن، پرزیدنت فرانسوا اوللاند و باش ناظیر مانوئل والس-ین پارتیسی اقتدارداکی سوسیالیست پارتی سس‌لرین یوزده 23ونو، اوروپا اکولوژی و یاشیل‌لار پارتیسی فرانسا (EELV) ایسه سس‌لرین یوزده 6،5ینی آلدی.
مارین لو پن نامیزد اولدوغو شمال‌داکی نورد-پاس-دو-کالایس-پیکاردی‌ده سس‌لرین یوزده 43ونون قازانان FN اؤلکه ایچینده 6 بؤلگه‌ده بیرینجی پارتی اولدو.
سئچیم ظفری‌نین آچیقلانماسی‌نین آردین‌دان دانیشان مارین لو پن، سئچیجی‌لره تشککور ائتدی و نتیجه‌لرین اؤزلرینه بؤیوک مسئولیت یوکلدیگینی سؤیله‌دی.
لو پن، جمهوریتی حقیقتن قورویان پارتی‌نین، اؤز پارتی‌لری میللی جبهه اولدوغونو ادعا ائتدی.
اؤلکه‌ده 2017-جی ایلده کئچیریله‌جک پرزیدنت سئچیم‌لری‌نین سیناغی اولا‌راق گؤرولن سئچیم‌لرده 13 بؤلگه‌نین ایدارچی‌لری تعیین اولونا‌جاق.
بؤلگه‌لر سئچیم‌لرین ایکینجی تورو 13 دسامبر بازار گونو کئچیریله‌جک.